sexta-feira, 31 de julho de 2015

MINISTRU ESTADU KOORDENADOR LAIHA POLITIKA PUBLIKU

MINISTRU ESTADU KOORDENADOR LAIHA POLITIKA PUBLIKU


DÍLI - Parlamentu Nasionál (PN) no Organizasaun Naun Govermental (ONG) sira rekoñese, Ministru Estadu no Koordenador (MEK) sira ladun iha politíka públiku ne’ebé adekuadu, li-liu oinsá atu eleva servisu iha ministériu sira ne’ebé tutela iha sira nia responsablidade.

“Ministru Estadu no Koordenador sai de’it ministru iha ministériu refere, ida ne’e bele loos. Tanba ami mós observa maizumenus hanesan ne’e,” Francisco Miranda Branco ba Timor Post iha PN, Kinta (30/7).

Deputadu hosi bankada FRETILIN hatete, hafoin formasaun VI governu no loron 100 dahuluk, loloos oparlamentu bolu membru governu sira hodi esplika programa, maibé tanba tama ona periodu resesu, no sei bolu fali membru governu sira hafoin feriadu resesu.

Formasaun VI Governu, konsege hamosu Ministru Estadu no Koordenador hamutuk haat mak Ministru Estadu Koordenador Asuntu Sosial, Ministru Estadu Koordenador Asuntu Ekonomia, Ministru Estadu Koordenador Asuntu Administrativu no Ministru Estadu no Prezidensia Konsellu Ministru.

Branco dehan, loron 100 dahuluk, membru governu deklara sira nia progresu no rezultadu servisu liu-hosi mídia, no seidauk informa detallu no formalmente ba PN.

Nia hatutan, frakeza ne’e mosu tanba formasaun VI Governu foin mak hamosu Ministru Estadu no Koordenador ne’e. Tuir nia, ida ne’e hanesan ezersisiu ida ne’ebé Ministru Estadu no Koordenador sira presiza halo.

Deputadu ne’e tenik tan, Ministru Estadu no Koordenador hala’o servisu ida foun iha Timor-Leste nia sistema laran.

 “Entaun ba sira hanesan buat ida foun atu implementa. Tuir observasaun públiku nian loos no ami deputadu mós observa hanesan, maibé tanba ita foin implementa pasta ida ne’e, sira buka halo ezersisiu ida atu dezempeña sira nia funsaun hodi koordena ho ministériu ne’ebé tutela iha sira nia okos”, Branco afirma.

Parte seluk, Diretór Ezekutivu Asosiasaun HAK, Manuel Monteiro hatutan, Ministru Estadu no Koordenador sira ladun iha politíka públiku ne’ebé adekuadu tanba komplikadu.

“Ministru ida nia labele atu koordena fali ministru hot-hotu ninia servisu. Tanba Ministru ida rasik de’it ninia problema barak ona, tenki tau matan fali ba Ministériu sira seluk? ne’e defisil”, Monteiro tenik.

Tuir nia, sé-karik PM nia politíka hakarak harii Ministru Estadu no Koordenador ne’e tenki iha Ministru ida ketak, no Ministru ne’e mak tau matan ba iha Ministériu hot-hotu.

“Agrikultura Ministru ida, no seluk mós tenki Ministru ida, depois Ministru ida ne’ebé mak ka’er kargu hanesan Ministru Estadu no Koordenador hanesan ne’e, no nia mak koordena hot-hotu, agora iha nivel ONG nian karik ami hanaran Program Manajer ka jestór programa, no Ministru ne’e mak haree programa hot-hotu, tantu agrikultura, komersiu, turismu inklui ezekusaun orsamentu, no seluk tan, ” Manuel tenik.

Manuel hatutan, situasaun agora, Ministru ida ka’er ona ninia ministériu depois tau matan tan Ministériu seluk, ne’e la-la’o, la’os atu halo integrasaun servisu, maibé pratika labele la’o, tanba Ministru rasik iha Ministériu ida iha problema barak.

Kona-ba mekanismu, Manuel dehan, susar tebes ba Ministru Estadu no Koordenador sira atu halo. Tanba, atu halo politíka públika foun hodi rezolve no dezenvolve Ministériu ida, hakarak ka lakohi Ministru Estadu no Koordenador ne’e tenki iha Ministru ketak.

“Tenki koloka ema ida no nia hanesan Ministru atu tau matan asuntu sosiais ka ekonomia ninian, ne’e ema ida mak tau matan ba ida ne’e, nia koordena Ministériu hira por ezemplu, ninia job ne’e tenki hanesan ne’e, mas se ita tau ema ida nia ka’er tiha ona Ministériu ida depois atu tau matan tan ba Ministériu sira seluk, ema ne’e bele jagoan oinsá mós nia sei labele rezolve problema sira, tanba Ministru Estadu no Koordenador mós iha nia Ministériu iha hela problema”, nia realsa.

Ho strutura Ministru Estadu no Koordenador nian ne’ebé Asosiasaun HAK konsidera komplikadu sei fó impaktu maka’as ba povo ne’e rasik ninia vida ekonomia.

Nia dehan, ekonomia povo nian sei la’o la-di’ak tanba impaktu hosi produsaun, oinsá mak Ministériu ida-idak atu hodi sira nia programa besik liu ba povo ne’e labele la’o tanba konfuzaun ho strutura.

“Ezemplu iha foot ball karik, formasaun ne’e la-di’ak, strutura ne’e la-di’ak, ema bilan iha kampu laran atu tebe bola halo nusa? mediu ita tau fali avansadu, avansadu ba fila fali defesa ne’e atu halo nusa, no ida ne’e la-di’ak, tanba ne’e formasaun strutura ne’e menentukan suatu kesuksesan satu pemerintahan, susesu governasaun ne’e hosi nia strutura, sé strutura komplikadu fó konfuzaun ba ema no labele halo servisu ho di’ak”, Manuel katak tan.

Nia optimista, ho strutura ne’ebé mak komplikadu sei la-hamosu programa foun iha Ministériu ida. “Tanba Ministru foun sira ba tinan rua ne’e atu rezolve problema, programa ne’ebé iha ne’e governu anterior halo ona ba tinan lima nian, agora sira nai’n hira ba ka’er pasta foun iha tinan rua nia laran ne’e sira labele halo buat ida, sira ba só atu raut fo’er”, hakotu nia.(tay)

Timor Post
Politika Protesaun Labarik Nian Importante ba staff TLMDC No FUNDEP

Politika Protesaun Labarik Nian Importante ba staff TLMDC No FUNDEP


Dili, Radio online- Organijasaun Nao Govermental Timor Leste Media Development Centre (TLMDC) no Organijasaun Nao Govermental FUNDEP, liu husi suporta husi The Asia Foundation halao work shop loron ida ba staff TLMDC no FUNDEP hodi sosialija politika protesaun labarik nian husi organijasaun rua refere, TLMDC no FUNDEP, ba nia servisor sira.

Luisa Marsal de Jejus, Fasilitador WorkShop, esplika objetivu husi workshop mak atu fahe informasaun konba politika protesaun labarik nian ba staff husi organizasaun rua ne'e .  Nia mos dehan katak “materia sira ne’ebe fo, ida ne’e hanesan konhesementu ida kona ba politika protesaun labarik ne’ebe sosialija deit ba staff sira husi organijasaun nao Govermental rua, atu kolega sira bele iha konhesementu kona ba oinsa halo protesaun ba labarik husi abuju sira hanesan abuju fisiku no seluktan”.

Nune’e mos ho partisipantes husi TLMDC, Teresa de Almeida haktuir katak sosialijasaun ne’e importante atu staff hotu bele iha konhesementu ba politika protesaun labarik ne’e, laos ba parte ne’ebe halao servisu ba proteje labarik deit maibe staff hotu bele hatene”.

Workshop loron ida ne’ebe realija iha loron 23/7/15 iha salaun ingkontru The Asia Foundation,

Rádio Liberdade Dili – Maria Bibel
SISTEMA INFORMASAUN BEE NO SANEAMENTU APREZENTA IHA WASHINGTON

SISTEMA INFORMASAUN BEE NO SANEAMENTU APREZENTA IHA WASHINGTON


Dili, Radio Online- Timor-Leste uza dadus hodi kompriende no enfrenta dezafius iha setór bee liu husi oferese modelu ne’ebé bele uza globalmente. Ezemplu di’ak mak Timor-Leste nia komitmentu ba transparánsia liu husi suporta ba Water Point Data Exchange”. Liafuan louva ne’e hato’o husi Brian Banks, Directorde Iniciativas Estratégicaspara aGlobal Water Challenge, iha Konferénsia Internasionál kona-ba Bee, Saneamentu, no Ijiene & Teknolojia Informasaun no Komunikasaun ne’ebé hala’o fulan kotuk iha Washington DC, Estados Unidos da America.

Konferénsia ne’e partisipa husi Chefe Departamento ba Programa Apoiu e Tecnico husi Direcção Nacional de Serviço Agua, Ministério das Obras Pública, Transportes e Comunicações, Martinus Nahak, akompaña husi nia homólogo Australian Aid programa BESIK (Bee, Saneamentu, no Ijiene iha Komuniade), Information Management Advisor, Paul Van Breemen.

Enkontru ne’e hanesan enkontru ba dauluk ne’ebé hala’o hodi diskute kona-ba Teknolojia Informasaun no Komunikasaun (TIK) liu-liu haree kona-ba setór Bee, Saneamentu, no Ijiene (besi).

Durante konferénsia Nahak halo mós aprezentasaun kona-ba SIBS (Sistema Bee no Saneamentu) Timor-Leste nian. Delegadus hotu louva ho servisu governu Timor-Leste nian ne’ebé iha komitmentu hodi kontinua fornese nafatin informasaun ne’ebé kompriensivu kona-ba sistema informasaun BESI nian. 

SIBS hanesan sistema integradu ida ne’ebé uza dadus husi fontes oin-oin hodi analiza prestasaun servisu no komunidade nia asesu ba prestasaun servisu sira, ba planeamentu, orsamentu no ezekusaun. SIBS ne’e sistema governu nian ne’ebé dezenvolve ho suporta husi governu Australia liu husi programa BESIK.

Iha konferénsia ne’e halo mós lansamentu ba inisiativa internasionál hodi estandariza dadus no mapa pontus bee nian. 

Alem de ne’e investiga mós kona-ba sistema informasaun BESI husi partes hotu, no SIBS Timor-Leste nian konsidera uza teknolojia ne’ebé apropriadu no sujere atu Timor-Leste kontinua ho sistema ne’ebé estabelese ona.

Partisipa iha konferénsia ne’e, organizasaun boot sira husi setór BESI, doadór sira, ofisiál governu oin-oin, nune’e mós espesialistas teknolojia foun.

Rádio Liberdade Dili – Maria Bibel
Kampanha Imunijasaun Nasional Hasae Labarik Nia Imunidade

Kampanha Imunijasaun Nasional Hasae Labarik Nia Imunidade


Ministeriu Saude halao kampanha Imunijasaun Nasional hodi hasae labarik nia imunidade hasoru moras sarampu, rubella no polio hahu husi 13 Juliu ate 1 Agustu, nune’e iha loron 17/7/2015, iha kapela Maria Auxiliadora, aldeia Terra Shanta, suku Komoro,  servidor saude husi klinika Komoro halao imunijasaun ba labarik iha aldeia refere.

Fatima Barreto de Jejus nudar inan ida ne’ebe lori nia bebe partisipa iha kampanha imunijasaun ne’e haktuir ba Radio Liberdade Dili katak “ Vasinasaun nudar meus diak tebes atu proteje oan husi moras oioin”.

Iha fatin hanesan Oldi nudar inan ne’ebe lori mos nia bebe ba tuir imunijasaun espresa katak “hau kontenti hau nia oan bele hetan imunijasaun tamba sei hadok nia husi moras”. 

Iha sorin seluk, Doutora Maria Angelina Pereira, husi klinika Comoro isplika katak “Vasina polio ne’e atu prevene moras aleijadu, liman ain kleuk, iha lia fuan mediku hateten katak polio melitis siginifika katak atu prevene moras aleijadu, no vasina sarampo e rubella atu prevene moras isin manas, mosu kafuak kafuak iha isin lolon hotu no muta”.

Grupu alvu ba vasinasaun ne’e tuir isplikasaun Doutora Maria Angelina Pereira katak “ ba labarik ne’ebe foin moris, jero dias ate 15 anos, hetan deit vasinasaun polio, tau turuk ba ibun, no husi  idade seis mejes ate 15 anos nia hetan sona sarampo ho rubella”.

Rádio Liberdade Dili - Maria Bibel
POLISIA PROTEZE MALU

POLISIA PROTEZE MALU


DILI - Prezidenti  Komisaun B asuntu Seguransa no Defeza, Parlamentu Nasionál Deputadu David Diaz Ximenes Mandati informa, Komisaun B haruka bei-beik ona karta ba komandu PNTL kona ba involvimentu membru PNTL iha kazu krimi, maibé rejultadu la iha tanba sira rasik proteze malu.

“Ita koalia mos Maun bo’ot iha hela sira nia kotuk ne’e halo nusa ami ejiji nafatin sala ami tenki koalia mais ami la halo desijaun sira rasik mak proteze malu,” Deputadu David Dias Ximenes informa ba jornalista iha Balide, Kinta (30/07).

Hodi hatutan, komandante sira iha krize de autoridade, krize Identidade entaun sira proteze malu ne’e para hetan forsa husi autoridade no sira nia autoridade hetan tuir represaun.

Iha parte seluk, Diretór ezekutivu Organizasaun Non -Govermental Fundasaun Mahein (FM) Nelson Belo dehan, polísia sira durante ne’e komete krime tanba sasaun hosi institusaun mak la dun todan.

“Ita hare barak mak la kompriende lei tanba lei ne’e la iha tradusaun ofisial ba Tetun entaun ida ne’e mos sai kauza bo’ot ida halo sira la kuñese lei,” dehan Nelson ba Timor Post iha Balide Kinta (30/07).   

Nia hatutan, faktor seluk mak kontribui membru polísia  involve kazu tanba iha kazu barak mak la prosesa ba Ministériu Publiku (MP) para prosesa.

Liu-liu kona ba agresaun fiziku fo de’it sansaun fulan ida ka rua la tama servisu, maibé depois nia tama fali servisu halo hikas tanba sansaun ne’e la todan.

Tanba ne’e mak nia rekomenda ba Komandu PNTL atu foti sansaun ne’ebé  mak forte ba membru kriminozu liu-liu sira komete krimi lori ba tribunal. (Way)

Timor Post
TEME SADAR DIRI HUSIK KARGU SEKRETARIU JERAL FRENTE MUDANSA

TEME SADAR DIRI HUSIK KARGU SEKRETARIU JERAL FRENTE MUDANSA


DILI - Jorge da Conceicão Teme atual deputadu iha Uma Fukun Parlamentu Nasionál (PN) deklara ofisialmente ona hodi rejigna án hosi kargu nu’udar Sekretariu Jerál Partidu Frente Mudansa (FM) relasiona ho problema pessoal ne’ebé involve eis Ministru Administrasaun Estatal (MAE).

Tuir Vise Prezidente FM, Egidio de Jesus Amaral hatete, desizaun Jorge Teme rejigna án hosi kargu Sekretariu Jerál FM ne’e desizaun pessoal no la’os desizaun hosi partidu nian.

Partidu Frente-Mudansa oras ne’e nakdoko tebes ho problema pessoal eis Ministru Jorge da Conceição Teme ne’ebé deskonfia hasai lia fuan la’os edukadu (tolok) ba Madre sira.

 “Ida ne’e nia na’in maka deside. Hanesan ema politíku sadar ba ida ne’e, kuandu sente kestaun ne’e muito privadu, ita nai’n hanesan ema intelektual no ema politíku ita presija haree konjuntura politíku, entaun nia na’in foti desizaun ho kesadaran penuh katak buat ne’ebé nia halo no nia haree katak asuntu ne’e afeita oituan mós ba nesesidade partidu nian, entaun nia na’in maka husu rejigna án hosi kargu Secretariu Jerál Partidu Frente Mudansa,”Vise Prezidente FM, Egidio ba Timor Post via telephone, Kinta (30/7).

Tanba ne’e kargu refere agora, kontinua asumi hosi Vise Primeiru Sekretariu Jerál, Cesar Morreira.

Entertantu kona-ba pozisaun Jorge Teme nian hanesan deputadu iha Parlamentu Nasionál ne’ebé reprezenta bankada FM karik sei iha mós mudansa, Egidio hatete, presiza mós tenke haree ba lei.

 Tanba iha tinan 2012, FM tau sira nia naran (pessoal) maka povu no eleitores sira hili.

 “Agora ita tenke haree fali mós alterasaun lei partidu politíku foin lalais ne’e, entaun talvez ida ne’e iha buat rua. Primeiru tenke konsulta lai lei ne’ebé maka vigora, tanba Parlamentu Nasionál mai hosi partidu politíku no bainhira nia efetivu ona iha partidu nia laran hanesan Sekretariu Jerál no iha artigu ruma hatete kona-ba ne’e (troka Jorge), se la hatete kona-ba buat ne’e ita tenke propoin ba iha Parlamentu ka ba iha Konsellu Ministru,”Egidio, esplika.

Maibé, nia dehan, Frente Mudansa mós sei reuniaun para haree asuntu ne’e.

Entertantu, jornalista konfirmarazaun rejina-án hosi kargu Sekretariu Jerál FM, maibé eis Ministru Administrasaun Estatal iha V governu Konstitusionál, Jorge Teme lakohi fó komentariu.

 “No Comment, no comment,” Jorge Teme, hatan ho oinbuis no mean bajornalistaTimor Post iha PN, horiseik.

Tuir Informasaunne’ebémaka antes ne’e Timor Post rekollakatak, eisMinistru Jorge Temedunisaiona Madre Asosiasaun do Menino de Jesus (AMJ) ihaPermunasho labarikorfonatuhamutukna’in 30, tanbakonsideraraine’eTemenian. Madre Marisa ho nia kolega Madre seluk maka hela iha fatin ne’e hodi hala’o misaun.

Maibé, Madre Marisa hatete eis Ministru Administrasaun Estatal ne’e ba haruka nia parte sai husi uma ne’e ho razaun Madre sira  laiha responsabilidade hodi haree didiak labarik sira ne’e.

Tuir informasaun balun ne’ebé Timor Post iha katak fatin ne’ebé maka Madre sira hela ne’e, Teme mak sosa husi komunidade ida iha Perumnas, hodi oferese ba AMJ hodi uja. Folin rai ne’e hamutuk $20,000 no  autoridade lokal balun mós sai sasin ba asina dokumentus sosa rai ne’e.

Madre Marisa hatete, nia rona husi doador balun katak osan ne’ebé maka eis Ministru uza hodi sosa rai ne’e mai husi doador nian ne’ebé fó ba governu hodi bele ajuda labarik orfonatu sira iha AMJ.

Teme deside haruka Madre nai’n rua sai husi nia uma iha area Perumnas, Bairo Pite, Dili, foin lalais ne’e tanba sira ladun iha kapasidade hodi haree didiak ba labarik sira ne’ebé hela hamutuk ho sira.

Teme konsidera akuzasaun sira ne’ebé maka responsavel Asosiasaun do Meninu Jesus (AMJ), Madre Marisa Fernandes hasai hodi hasoru nia ne’e laiha fundamentu. Maibe, nia dehan so investigasuan mak bele hatudu lia los.

Iha Kinta (21/05), Madre Marisa ho nia kolega Madre ida nomos labarik sira sai husi uma ida iha Perumnas, ne’ebé sira uza desde tinan 2014 tanba eis Ministru Teme ne’ebé nu’udar uma nain maka duni sira sai. Labarik sira ne’ebé maioria orfonatu ne’e hetan apoiu evakuasaun urjente husi Ministériu Solidaridade Sosial (MSS) hodi ba hela iha fatin seguru ida iha Dili.

Entretantu, Madre sira ba buka fatin rasik. Responsavel AMJ, Madre Marisa Fernandes dehan nia parte sente triste los tanba molok sira sai husi hela fatin ne’e Jorge Teme haruka lia fuan tolok liu husi SMS ba nia. Madre mós hatete katak nia parte haree labarik sira ho diak lós. Membru komunidade balun iha Perumnas mós la kontente ho lia fuan sira husi eis Ministru Estatal ne’ebé mós nu’udar Sekretariu Jeral partidu Frente-Mudansa.(tay)

Timor Post
SEKOMS BOLU MEDIA DESKUTE FIGURA KONSELLU IMPRENSA

SEKOMS BOLU MEDIA DESKUTE FIGURA KONSELLU IMPRENSA


DILI—Iha tempu badak, governu liu hosi Sekretaria Estadu Komunikasaun Sosiál (SEKomS) sei bolu Asosiasaun inklui instituisaun Mídia deskuti reprezentasaun ka figura iha Konsellu Imprensa (KI).

KI hetan ona apresiasaun pozetivu hosi Konsellu Ministru no estatutu aprova tiha ona iha fulan juñu liu ba. No hetan ona promulgasaun hosi Prezidente Repúblika.

“Parese semana ida ne’e, sei ba ninia publikasaun, depois ninia prosesu nomeiasaun ba membru sira, dadaun ne’e, ami ho hanoin ida, atu kontaktu asosiasaun jornalista sira, kontaktu mós instituisaun mídia sira, hodi hasoru malu ho sira, nune’e hakarak ba prosesu nomeasaun,”Diretór Disseminasaun Informasaun SEKomS, Orlando da Conçeição ko’alia iha nia kna’ar fatin, Palásiu Governu, Kinta (30/07).

Estatutu konsellu imprensa aprovadu ne’e ona, asosiasaun mídia sei reperezenta na’in rua (2), hili hosi Parlamentu Nasional (PN) na’in rua (2) no reprezenta jornalista hodi ba tu’ur iha Konsellu Imprensa ne’e.

Bainhira parlamentu, governu, mídia nomeia ona hodi tu’ur iha Konsellu Imprensa, sei simu tomada de pose iha Uma Fukun Parlamentu Nasionál. Hafoin liu hosi prosesu tranzisaun harii KI.(vas)

Timor Post
MAP Municipiu Bobonaro kordena ho emprezariu sosa produto agrikultor

MAP Municipiu Bobonaro kordena ho emprezariu sosa produto agrikultor


MALIANA - Ministeriu Agrikultura no Pesca (MAP) liu husi diresaun nasional agro-comercio iha Munisipiu Bobonaro hahu kria ona  liña kordenasaun diak ho emprezariu sira iha Munisipiu refere hodi sosa agrikultor sira nia produtu. “Ministeriu Agrikultor no Pesca iha Munisipiu Bobonaro kada tinan halo ligasaun ho emprezariu lokal ne’ebé mak parseiru ho Ministeriu Comercio Industria no Ambiente oinsa mak atu sosa produtu ne’ebé husi agrikultor produs kada tinan,” Xefe departamentu agricultura, hortikultura no irigasaun Municipio Bobonaro, Alfredo soares hatete lia hirak ne’e ba jornalista BT iha nia knar fatin Odomau semana foin lais ne’e.

Nia haktuir katak orsamentu hirak ne’ebe atu hodi sosa produto agrikola ne’e nia orsamentu sei mai husi Ministeriu Comercio Industria no Ambiente (MCIA) tanba ne’e MAP liu husi diresaun agro-comercio halo kordenasaun deit kona-ba atu sosa produsaun ne’e. “Husi MAP liu husi diresaun agro-comercio nia serbisu mak identifika produsaun hirak ne’e iha fatin ne’ebe deit depois husi MAP liu husi diresaun  agro-comercio sei halo ligasaun ho MCIA atu bele sosa,”esplika nia.

Nia informa  durante ne’e MAP kria rasik nia asosiasaun agrikultor ne’ebé mak produs fini no produtu ba konsume nian entaun husi asosiasaun ne’e mos laos fa’an deit produtu atu ba konsume nian maibe asosiasaun ne’e fa’an fini entaun ho ida ne’e ministeriu halo kordenasaun ho ministeriu kompatente oinsa mak atu sosa produtu hirak ne’e. Nia dehan asosiasaun habarak fini komersial iha Munisipiu Bobonaro iha tolu ne’ebé durante ne’e produs produtu fini komersial hanesan aosiasaun LAKABASI, agrikultor unidade Samaklot no Renova timatan.

Nia dehan  asosiasaun tolu ne’ebé  durante ne’e produs fini komersial ne’e mak lao ho diak entau ba oin MAP Munisipiu Bobonaro sei propoin tan asosiasaun foun ne’ebé produs fini komersial ho varidade sele no hare ne’ebé sei estabelese iha postu Atabae Suco Raerobu ho Atabae no Balibo iha Suku Leolima. Agrikultor iha Municipio Bobonaro maioria halo produsaun ba  hare so iha postu Lolotoe mak  la disponivel atu produs hare maibe iha postu 5 refere maioria ho produsaun hare entau postu ne’ebe ho produsaun hare ne’ebe barak liu mak permeiru iha postu Maliana ne’ebé  kuaze maioria nia potensia  hectare 5000 ne’ebe tinan-tinan ne’e  bele kultiva hectares 3000.

Haree ba produsaun agrikultor nia ne’ebé makas maka MAP liu husi diresaun agro-comersio halo ligasaun ho parte governu kompatente no emprezaria sira oinsa mak bele sosa produtu agrikultor atu bele hasae ekonomia familia. Nia informatan atu garante kualidade ba produsaun haree ho batar kada tinan mak sira tau atensaun iha iha pos koileta ou lian Indonezia  paska panen  mak nudar tempu importante tanba wainhira atu garantia nia kualidade iha merkadoria bainhira konsumedor sira atu sosa produsaun ne’e tuir tekniku nia ne’e ema sei utilize makina ida para koko nia kadar air ne’e hira  mak foin sosa. (BT)

Business Timor - Letto
Termina ona 3º kursu formasaun fuzileiru timor-oan ne’ebé apoia hosi Portugal

Termina ona 3º kursu formasaun fuzileiru timor-oan ne’ebé apoia hosi Portugal


Kursu formasaun fuzileiru timor-oan nomós espesialidade Marinha ba dala tolu ne’ebé hala’o bazeia ba koperasaun luzu-timor-oan termina ona ohin iha Dili, ho graduasaun hosi militár 76. 

Formasaun ne’e halo parte ba iha programa kuadru koperasaun militár luzu-timor-oan ba períudu 2014-2016, liu-liu ho objetivu atu “dezenvolve no hametin projetu nomós atividade iha área kapasitasaun rekursu umanu, liu hosi formasaun nomós hanorin duni militár sira ne’e unidade no estabelesimentu F-FDTL ninia laran”, hanesan Forsa Armada timor-oan.

Kursu ne’ebé hahú desde marsu to’o ohin, alénde fuzileiru inklui mós kona-ba espesialista Mariña Operasaun, Administrasaun nomós Kondutór Mákina nian.

Iha kursu ne’e hetan partisipasaun hosi fuzileiru navál 37, militár hosi espesialidade operasaun 15, 12 hosi espesialidade Administrativu no 12 hosi espesialidade kondutór mákina: ofisiál ida, sarjentu tolu no prasa 72.

Formasaun ne’e hala’o iha Baze Navál Hera ho militár Mariña portugés 8, ho oras 694 ba área fuzileiru no oras 513 ba kada área espesialidade.

Formandu sira ne’e maka sei hametin komponente navál F-FDTL.

SAPO TL ho Lusa 
ONG kritika kampaña foun kombate SIDA nian hodi husik atu uza prezervativu

ONG kritika kampaña foun kombate SIDA nian hodi husik atu uza prezervativu


ONG Timor-Leste Estrela+, seropozitivu, horisehik apela ba Komisaun Nasionál Kombate HIV-SIDA (KNKS) iha Timor-Leste atu rekolla no koriji kartaz publisidade nian ne'ebé rekomenda atu hasai uzu prezervativu.

Keixa ne'e halo ona iha pájina facebook Estrela+ nian, ONG seropozitivu ida ne'ebé esplika servisu hodi "garante ema nia direitu ho HIV iha Timor-Leste sai rekoñesidu, respeitadu no promovidu", dezenvolve asaun informasaun no edukasaun.

"Ami la kontente haree kartaz foun sira ne'ebé mosu foin lalais iha supermerkadu sira iha Díli (...) kria hosi Komisaun Nasional ba Kombate HIV-SIDA", nia refere.

Organizasaun fó hanoin fila fali mesanjen prevensaun nian ne'ebé fahe bazeia ba estratéjia nasionál ba moras 2011-2016, kontra mensajen sentral tolu: A) Abstinénsia, B) fidelidade no C) uzu prezervativu. Maibé, kartaz foun muda mensajen C ba "kontrola ó nia-an", hasai kualkér referénsia ba uza prezervativu.

"Ne'e implika katak ema seropozitivu sira ne'ebé infeta hela ho moras ne'e tanba la konfia ka la konsege kontrola iha relasaun seksual arbitrária. Ne'e falsu no promove sinál ka marka no deskriminasaun kontra ema hirak ne'ebé moris ho HIV. Sinál ka marka ba moras ne'e barak signifika hetan ema uitoan no ema ladún ba halo tratamentu, resposta ba moras ne’e tun ", refere ONG.

"Laós fó informasaun kona-ba uzu prezervativu, kartaz hirak ne'e signifika katak ema lakon oportunidade hodi simu informasaun ida di'ak kona-ba forma ida efikaz hodi proteje HIV", subliña.

Inés Lopes, hosi Estrela+, esplika ba Lusa katak mudansa informasaun nian "husik populasaun konfunde" no ignora "prátika, rekomendasaun no estratéjia globál sira" hodi moras.

"Ita labele haree de'it ba kestaun ideolójika ka katólika. Ita tenke haree hotu, ba kondisaun sira iha Timor-Leste no iha rejiaun. Ita tenke eduka ema ho di'ak, kona-ba oinsá sira atua hodi prevene moras hirak ne'e", nia hatete.

Organizasaun husu atu HIV mak kestaun saúde públika ida atu "labele konfunde ho julgamentu morál ba ema nia hahalok sira" no mensajen sira prevensaun nian "la foka liu iha kontrolu liberdade seksual ema nian, maibé enkoraja ema sira hodi iha seguru ba seksu.

Kestiona ona kona-ba mudansa, Daniel Marçal, padre protestante hanesan sekretáriu-ezekutivu KNKS nian, esplika katak ko'alia kona-ba "mudansa métodu nian", ne'ebé hakarak "muda mentalidade no ábitu sira" no la "estimula seksu livre".

"Uza prezervativu la eduka populasaun hodi rezolve problema. Polítika mak eduka laós kontribui ba seksu livre. Ita halo de'it rekomendasaun ba uzu prezervativu ba grupu sira ne'ebé ho risku", nia esplika.

"Métodu adotadu ida hosi komisaun hodi eduka ema sira iha Timor-Leste, bazeia ba realidade Timor-Leste nian", nia afirma.

Tuir nia esplika, desizaun mak husik hela rekomendasaun ba uzu prezervativu iha kampaña "ba públiku jerál" no halo de'it ba grupu sira ho risku (ne'ebé defini ona hanesan omoseksuál, prostituita no portadór HIV-SIDA nian).

Iha deklarasaun sira ba Lusa, Marçal refere "sala" duké difini hanesan "seksu livre", afirma katak "Maromak kria ona seksu entre mane ida ho feto ida, kaben na'in, no laós entre mane ida ho feto barak ka feto ida ho mane barak".

"Ami hatete abstinénsia, ida lae, hafoin fidelidade, ida lae, no hafoin uzu prezervativu, ida hatete loos. Ne'e la iha sentidu", nia esplika.

"Prevene laós de'it ho prezervativu. Ne'e alternativa ida, maibé la rezolve to'o problema nia hun", nia defende. Kazu dahuluk HIV nian iha Timor-Leste deteta ona iha 2003, agora dadaun iha prevalénsai tun ba 0,18%, tun hosi kazu diagnóstiku 500 iha nasaun.

Dadus sira hatudu aumenta insidénsia ba moras hosi 2010, liliu liu hosi transmisaun eteroseksál ne'ebé sees hosi grupu tradisionál konsidera risku aas.

SAPO TL ho Lusa 
Konsidera CNE Hanesan Boneka, José Ximenes: Bele Hamosu Instabilidade Iha Eleisaun

Konsidera CNE Hanesan Boneka, José Ximenes: Bele Hamosu Instabilidade Iha Eleisaun


Eis Prezidente Partidu Sosial Demokrata (PSD), Mario Viegas Carrascalão, konsidera Comissão Nacional Eleisões (CNE) hanesan boneka ida, tanba laiha poder atu kontrola partidus politikus sira.

Mario Carrascalão konsidera CNE hanesan boneka, tanba durante ne’e tuir nia haree, CNE laiha poder atu kontrola Partidu Politikus ne’ebé ejiste barak tebes iha nasaun foun ida ne’e, no ida ne’e sai hanesan ameasa bo’ot ida ba Estadu Timor Leste atu hahoris hikas poder politikus, no korrupsaun bele sai buras iha nasaun ne’e.

Pior liutan, ho ejistensia partidu politik foun sira ne’ebé foin mosu ne’e, fó kauza bo’ot iha eleisaun jeral, hodi halo votus barak mak naksobu atu fo votus ba partidu bo’ot sira, tanba partidu kiik sira hafahe ona numeru votos ne’e.

Kestaun seluk tan, estadu kada tinan sei lakon nafatin osan atu fó subsidiu ba parpol foun no Parpol antigu sira sira.

Nia mós konsidera kestaun sira ne’e mosu lolos Comisaun Nasional Elisoes (CNE) tenke haree, maibé CNE lolos ne’e la iha poder no sai de’it hanesan kurtina.

“CNE ne’e lolos la iha poder, hanesan boneka ida no STAE ne’e mak governu nian. Tanba partidu ne’ebé iha poder nia manipula poder atu favorese nian ne’e normal, tanba se mak xefia STAE ne’e ema hosi governu nian,”relata Carrascalão.

Hatan ba preokupasaun ne’e, Komisariu CNE José Ximenes dehan, lolos ne’e orgaun eleitoral sira hanesan CNE no STAE tenke ida de’it.

Tuir José Ximenes katak, modelu eleitoral iha Timor ne’e se ema hakarak duni orgaun Estadu ne’e la’o tuir konstituisaun artigu 65, tenke iha orgaun eleitoral independente. maibé José Ximenes dehan, komprendesaun públiku nian to Uniaun Eropea mós estranhu uitoan, kuandu orgaun eleitoral la halo eleisaun.

Tanba José Ximenes esklarese, iha modelu barak hanesan iha Guinea Bissau, eleisaun ne’e tenke orgaun eleitoral no CNE ninia papel importante atu asegura eleisaun.

“Se ita haree opiniaun ne’ebé senhor Mario Carrascalão halo, ha’u hanoin rasional, tanba komisariu (CNE) 15 ho Diretor jeral ida iha ministéiru nia okos, ita bele sente katak, agora ema la kestiona, mais aban bainrua se bebeik hanesan ne’e, se partidu balun mak la simu eleisaun, instabilidade mosu kedas,”dehan José Ximenes ba jornalista iha nia kna’ar fatin CNE foun Kolmera Dili, Tersa (28/07).

José Ximenes hatutan, nasaun foun hanesan Timor-Leste ne’e, diak liu tenke hametin de’it mak paz no dame hodi labele hamosu konflitu.

Nia dehan, CNE konkorda ho opiaun ne’ebé Mario Carrascalão hato’o, no konsidera opiniaun ne’e hanesan reflesaun ida para buka hadia mekanismu servisu CNE no STAE lolos tenke hamutuk.

“Ha’u konkorda ho opiniaun sira ne’e, i ha’u hanoin se ita hakarak rasional lolos ita nia orgaun CNE no STAE ne’e tenke ida de’it. Se fahe mós hanesan ema dehan, ida responsabel ba de’it resensiaamentu no eleisaun tenke intrega ba orgaun CNE hanesan iha Guinea-Bissau nian,” katak José Ximenes.

Nia afirma, kriteiriu kona-ba partidu politikus ida atu hari’i partidu foun tenke presija apoiantes rihun 20, tuir lolos CNE mak tenke haree kestaun ne’e.

Nia dehan, kriteriu sira hanesan ne’e analiza didiak bele hamosu tan poder ekonomia invade fali poder politikus.cos

Jornal Nacional
DNTT KOBRA MILAUN $1 BA KOFRE ESTADU

DNTT KOBRA MILAUN $1 BA KOFRE ESTADU


DILI - Ministériu Obras Públiku, Transporte no Komunikasaun (MOPTK) liu hosi Diresaun Nasionál Transporte Terrestre (DNTT), hahú hosi inisiu fulan Janeiru to’o Julhu 2015, konsege rekolla ona osan ho montante millaun $1 ba kofre estadu.

Diretor Nasional, Natalino de Rosario informa, hosi osan millaun $1 ne’ebé maka DNTT hatama ba kofre estadu nian mai hosi rezultadu chek point.

“Ami hatama osan ba kofre estadu iha tinan ida ne’e nian seidauk kompleta maibé ami konsege hatama ona milaun ida, ami espera katak to’o fin do ano bele aumeta liu tan,”informa Diretor Natalino, ba Jornalista sira iha Kuartel Jerál PNTL, Kaikoli Segunda (27/07).

Nia hatutan, tarjetu governu nian iha tinan ida nia laran maka tenke hetan osan ho montante rihun $700 de’it, maibé DNTT konsege hakat liu tarjetu ne’ebé maka governu tau.

“Iha tinan kotuk, ami konsege hatama osan milaun $20 resin hanesan ne’e liu tiha tarjeitu governu nian,”dehan Natalino.

Osan sira ne’e hetan tanba rezultadu hosi chek point, liliu ba transporte sira ne’ebé laiha dokumentus kompletu hanesan karta kondusaun (SIM), laiha dokumentus no seluk tan.

Entertantu, diretór DNTT ne’e mós rejeita ho informasaun hosi públiku ne’ebé dehan maioria osan hosi chek point ne’e la’os ba kofre estadu maibé ba fali bolsu privadu.

“Kona-ba deskonfia osan tama bolsu ne’e laloos, tanba sira hatama ba banku tuir resivu ne’ebé maka iha nomos tuir númeru seri hosi banku nian. (way)

Timor Post
FUNSIONARIU PUBLIKU LABELE FUMA IHA ESKRITORIU

FUNSIONARIU PUBLIKU LABELE FUMA IHA ESKRITORIU


DILI - Vise Ministru Obras Públikas, Transporte no Komunikasaun Inaçio Freitas Moreira husu ba funsionariu públiku (FP) atu obdese ba despaixu ne’ebé bandu fuma iha Eskritóriu.

Despaixu ka sirkulár ne’e fó sai hosi Primeiru Ministru Rui Maria de Araújo, liu hosi desizaun koletiva Konsellu Ministru iha fulan hirak liu ba.

“Despaixu ne’e refere liu-liu ba sofer, liu-liu mós ba iha kondutores sira ne’ebé lori kareta estadu nian, atu labele fuma iha kareta laran. Despiaxu ida mós hasai tan despaixu ida labele fuma iha edifiu públiku sira, orgaun soberania ida-idak labele fuma iha edifísiu públiku, sé hakarak fuma, ba hamri’ik iha estrada ibun ne’eba mak tama fali mai, tanba edifisu públiku ne’e labele fuma,” Vise MOPTK Inaçio Freitas Moreira ba jornalista sira, iha nia kna’ar fatin, Caicoli, Tersa (28/07).

Eis Deputadu ne’e espera ema hotu bele obdese ba despaixu rua ne’ebé anunsia hosi parte orgaun ezekutivu nian.

“Hot-hotu tenke obdese ba iha despaixu ne’e, hanesan mós rezolusaun ne’e, nune’e bele sente hanesan komportável no bele iha saúde ne’ebé di’ak,”katak nia.

Nia hatutan, planu ne’e mós presiza halo sosializasaun, liu hosi meius komunikasaun sosiál, nune’e ema hotu bele iha konsiensia rasik.

“Atu kumpri ka la kumpri, karik ita kria tiha ona konidisaun ruma, it abele fó sansaun, maibé ho kondisaun ida agora, hanesan kondutores sira, ita husu liu hosi mídia, sira (kondutores)hotu bele kompriende, hodi bele abdese ba sirkulár ne’e. Ha’u hein katak, ema hanoin di’ak ho nasioalizmu bele hakru’uk ba regulamentu, hodi ita nia nasaun la’o di’ak ba oin, ida ne’e mak importante liu,”tenik Eis Deputadu Opozisaun ne’e. (vas)

Timor Post
AHI HAAN UMA IHA KAKAULIDU

AHI HAAN UMA IHA KAKAULIDU


DILI - Fiu Elektrisidade kanek hodi hamosu sirkuit nune’e ahi haan  mutuk komunidade nia uma ida iha bairu Kakaulidu Aldeia Fuslam, Suku Bairu-Pite, Munisípiu Dili.

Tuir sasin Hermenegilda Goncalves informa, akontesementu ne’e tanba fiu mak kanek nune’e hamosu ahi haan  uma ne’e, sorti bo’ot ahi la de’et ba vijinu sira seluk.

“Ami toba hela maibé  derepenti ami rona ema hakilar ami halai sai mai ahi haan  ona ami nia vijinu nia uma ami mos tauk halai ba taka ami nia kontador, no ahi haan  ne’e tanba fiu ida mak kanek,” dehan sasin ne’e ba Timor Post iha Kakaulidu, Kuarta (29/07).

Iha fatin hanesan Neko Ataide dehan, sira mos la hatene derepenti Bombeirus halai makas tama bairu refere mak foin sira halai tuir ba ahi haan  mutuk ona uma ne’e.

“Ami toba hela tanba tuku 1 madrugada ona mak foin Akontese Bombeirus mai mak ami foin hakfodak,” dehan Neko.

Jornalista Timor Post atu konfirma ba iha uma nain maibé  uma nain la kohi fo kometariu tanba senti tristi ho akontesementu refere, nia sasan ida de’it  mos la salva.

Iha fatin seluk Komandante Operasaun Servisu Investigasaun Kriminal (SIK) Inspektor Xefi Mouzinho T. Coreira dehan, kazu ne’e seidauk tama ba sira nia parte tanba Polisia Eskuadra Komoro mak atua ba area refere, maibé  SIK Nasional sei hein relatóriu  hosi  diatritu Dili mak foin bele ko’alia ba Midia, no hosi  relatóriu  mak bele hatene lolos mutivu hosi  kazu ahi haan  uma ne’e. (way)

Timor Post

quinta-feira, 30 de julho de 2015

INVESTIGA XANANA LA PRESIZA HASAI IMUNIDADE

INVESTIGA XANANA LA PRESIZA HASAI IMUNIDADE


DILI - Judicial System Monitoring Program (JSMP) konsidera pedidu Ministériu Públiku (MP) nian ba Tribunál Distritu Dili  (TDD) atu hasa’é sertidão extraia para bele halo investigasaun ba Xanana Gusmão, ne’e normal i la presiza hasai imunidade.

“Se tuir MP mak dehan evidénsia too atu lori ba tribunál, mak antes hahú, tribunál sei notifika PN (Parlamentu Nasionál) hodi hasai membru governu ida nia imunidade antes hahú  prosesu ne'e,” esplika Diretór Ezekutivu JSMP, Luis de Oliveira Sampaio, ba Timor Post, Kuarta (29/07).

Katak, Sampaio subliña, se investigasuan de’it , bazeia ba esperiénsia ne’ebé iha katak la persiza levanta Xanana nia imunidade.

Pedidu MP atu halo investigasaun ba Eis Primeiru Ministru atual Ministru Planeamentu i Investimentu Estratéjiku, Xanana Gusmão, ne’e, bazeia ba deklarasaun Xanana iha loron 2 Jullu 2015 iha TDD katak, desizaun deporta drogadu sidadaun Indonézia nain lima (5) ba Jakarta, iha loron 26 fulan-Outubru 2012, tuku 13:00 liu-hosi Aeroportu Komoro, la’ós desizaun arguidu Calisto Gonzaga nu’udar eis Komandante Servisu Investigasaun Kriminál, maibé desizaun konsellu superior seguransa nian no bazeia akordu ho BNN-Indonézia.

Sampaio hatete, tuir prosesu normal lei prosesual ka Kodigu Prosesu Penal katak se iha indisius ruma katak krime ruma akontese, MP hanesan nain ba asaun penal hotu-hotu iha kompeténsia  tuir lei atu halo investigasuan ba Xanana.

Depois de investigasuan mak se hetan duni dadus sufisiente atu halo prosesu, MP sei formula rezultadu investigasuan ne'e hodi ba dokumentu ida hanaran akuzasaun. Maibé, nia hatutan, se la hetan evidénsia  sufesiente, normalmente MP sei arkiva.

“Arkiva ne'e iha forma rua. Arkiva parsial ka total. Parsial katak bele kole fali iha tempu ruma kuandu hetan evidénsia  foun ruma. arkiva total katak sei taka totalmente kazu ne'e,” subliña Sampaio.

Iha parte seluk, Sampaio hatete, nia parte apresiza tebes prezensa Xanana Gusmão  iha tribunál ne'e tanba nia kumpri notifikasaun tribunál atu sai sasin. Ida ne'e prosesu normal ida, tanba tuir lei ema hotu iha direitu atu hetan defeza ne’ebé  justu.

“Ne'e inklui direitu arguidu atu lori testemuña ka sasin ne’ebé  favorese ba nia interese defeza nian. Agora mos reasaun oioin ka kometáriu oioin ne'e tanba fígura katuas Xanana ho títlu ka previliju sosial nu'udar "Maun Boot" no fígura sentral durante prosesu luta ba ukun-rasik-a’an ne'e mak halo prosesu ne'e "heboh" tiha hanesan ne'e,” hatutan Sampaio.

“Nia (Xanana) kolaborasaun no vontade atu kumpri notifikasaun, ne'e buat ida ne’ebé  ba ami pozitivu teb-tebes. Buat ne'e dalaruma ita la hetan hosi lideransa sira seluk iha Timor no iha rai sira seluk ne’ebé  foin sai hosi postu konflitu, defisil atu hetan ema ida hanesan katuas Xanana bele ba iha tribunál,” dehan Sampaio. (oki)
Timor Post
TRABALHADOR IHA TL HAMUTUK 8684

TRABALHADOR IHA TL HAMUTUK 8684


Inspector Geral Trabalho (IGT), Secretariado Estado Politica Formação Profesional e Emprego (SEPFOPE), identifika katak, iha fulan Janeiro to’o fulan Juñu tinan 2015, traballador iha Timor-Leste hamutuk 8684.

“Iha primeiru semester tinan ida ne’e hahu iha fulan Janeiro to’o fulan Junhu, Inspector Geral Traballo liu husi inspector sira halo ona vizita inspeksaun iha 672, husi 672 vizita ne’e ita hetan trabalhador total ne’e 8684,” hateten Inspector Geral e Presidente CNTI, Aniceto Leto Soro ba Jornalista sira iha ninia kna’ar fatinn, SEPFOPE-Caicoli, Dili Tersa (28/07/2015).

Nia hatutan, husi trabalhador 8684 ne’e kompostu husi trabalhador estranjeiro ne’e iha 2112 no trabalhador nasional iha 6572.

“Trabalhador ne’ebe ami konsege rezolve sira nia kazu ne’e iha 1432, sira ninia kazu ne’e ami rezolve, tanba ema halo violasaun ba sira nia direito,” nia dehan.

Kona ba trabalhador infantil, Inpektor jeral ne’e dehan, seidauk halo kontrolu masimu tanba ita nia sei falta lei.

“Primeiru ita seidauk iha lei espesifiku ida kona ba trabalho infantil, agora prosesu ita la’o hela liu husi Komisaun Nasional Trabalho Infantil, ita kria ona komisaun ida ne’e i komisaun ida ne’e halo tiha ona lista ou dekreto lei ida ba trabalho perigosu ba labarik sira, ne’ebe kuandu lista ne’e hotu ona, inspektor sira fasil halo kontrola hodi bandu fase kareta ne’e labele i agora ita seidauk hatene fase kareta ne’e bele ka labele, ita seidauk iha lei ida determina ba asuntu espesifiku ba ida ne’e, tanba ne’e maka ita so halo kontrolu fo sujestaun ba labarik sira ne’e para atu ba eskola,” esplika Inspektur.

Kona ba numeru trabalhador infantil nian iha TL, Inspektur Jeral Trabalho ne’e hateten, numeru ezato ba traballador infantil sira ne’e ita seidauk iha.

“Numero ne’e susar oitoan, ohin ita ba hetan numero hanesan ne’e, aban ita ba fali hetan numeru hanesan ne’e, ne’ebe ita laiha numeru ida ne’ebe mak los ba ema sira ne’ebe serivu ou liu-liu ba alin sira ne’ebe ita konsidera serivu ki’ik,” nia dehan.

Nia haktuor tan, servisu kordenasaun entre SEPFOPE ho Servisu Migrasaun (SM), hodi halo kontrolu ba traballador sira sempre lao nafatin hela.

“Ita servisu hamutuk hela, agora iha planu atu halo operasaun konjunta munisipiu ne’ebe iha teritoriu nasional Timor-Leste hodi identifika ema sira ne’ebe maka uza vistu turista,” dehan nia. mia

Jornal Nacional
NUMERADORES SENSUS GREVE – US$ 160 LA LAKON

NUMERADORES SENSUS GREVE – US$ 160 LA LAKON


Xefe Suku Comoro, Postu Administrativu Dom Aleixo, Munisípiu Dili, Eurico da Costa de Jesus, konsidera Ministeriu Finansas liu husi Diresaun Nasional Estatistika laiha transparansia tanba pagamentu ba numeradores Sensus no ironis liutan pagamentu latuir akordu.

Sensus Populasaun Timor Leste 2015, bazeia ba akordu entre Numeradores Sensus ho Diresaun estatistika katak numeradores sira hahu foti dadus husi loron 11 to’o 25 fulan jullu, maibe tanba to’o loron ne’ebe maka determina servisu seidauk remata entaun diresaun estatistika fo adisional loron 3 maibe laiha akordu ruma entre numeradores sensus ho Estatistika, tanba ne’e, Tersa (28/07/2015), durante loron tomak numaradores sira lahalo servisu.

Nune’e, Xefe suku husu ba diresaun estatistika tenke fo konsiderasaun ba hirarkia suku nian, tanba primeiru kontratu entre estatistika ho numeradores fo konesementu ba xefe suku sira maibe ikus mai prolongamentu loron 3 maibe numeradores sira la asina akordu no estatistika mos la fo konesementu ba Xefe suku.

“Ohin (horseik,red) dader kontese labarik (staff sensus) prega diskusaun ida konaba orsamentu, tanba senor dieitor jeral estatistika halo komisi ka esplikasaun katak bainhira hasoru malu ho labarik sira semana ida sira servisu dehan katak 80 dolar horiseik sira simu 70 dolar deit, hau sente buat sira hanesan ne’e ladun justu,” preokupa, Eurico da Costa de Jesus, ba JN-Diário iha nia knar fatin Sede Suco Comoro, Dili, Tersa (28/07/2015).

Eurico da C. de Jesus argumenta katak, konkordansia entre direitor jeral estatistika ho numeradores Sensus katak servisu semana ida 80 dolar tanba ne’e maka numeradores sira ejiji sira nia direito,tanba osan laos direitor nian maibe osan estadu nian.

“Adisional loron 3 ne’e hau protesta oituan tanba osan laos direjen ninian, osan estadu nian tenke liu husi via akordu katak labarik sira tenke kontratu tenke hakerek, tenke asina para labarik sira simu osan karik tuir ida ne’e, tanba adisional loron 3, sira bele hatete tuir sira nia hakarak tanba labarik sira la asina, sira bele fo 70 dolar ka liu mos tenke iha hitam di atas putih,” Lideransa komunitariu ne’e preokupa.

“Ida ne’e maka Xefe suku hare katak sentidu hanesan ne’e laiha tranparansia, ida tan maka ladun konsidera autoridade lokais sira tanba adisional loron 3 Xefe suku no Xefe aldeia mos lahatene, tanba ne’e husu tenke respeita hirakia suku nian nune servisu ne’e lao ho diak” afirma Eurico.

“Kuandu dirijentes dehan osan hanesan ne’e mos hau la fiar, bainhira osan estadu tenke hitam di atas putih labele naran koalia tanbe ne’e laos osan dirijente ninian ne’e osan estadu nian, kuandu laiha transparansia ne’e labele,” Nia subliña.

Nia esplika, kuandu estatistika halo prolongamentu loron tolu tenke enkontru ho autoridade lokal, nune karik akontese problema xefe suku tun hodi atende, maibe tanba deit lakonsidera jasa ne’ebe mala xefe suku sira halo ba programa sensus.

Iha fatin hanesan, portavoz numerador Sensus 2015 husi Comoro, Marcal Mariz da Cruz husu ba diretor Jeral estatistika tenke fo respostas lalais ba sira nia ejijensia tanba pagamentu la tuir komprimisiu direitor estastika nian.

“Bazeia ba kontratu ne’ebe maka ami hetan husi estatistika komesa dia 11 to’o 25 jullu hamutuk u$ 180,primeiru simu uluk $80 ,segundu simu tan $80,maibe ohin ami simu deit fali $70entaun la han malu ho kontratu ne’ebe maka iha”Mariz preokupa.

Nia haktuir ,osan U$ 160 momentu ne’e dehan deit tanba kontratu ne’ebe maka Numeradores sira asina laiha valor osan,portantu lolos ne’e osan ensimentu 160 dolar hamutuk ho osan treinamentu nian hamutuk $240 ,maibe realidade iha pagamentu la tuir fali saida maka direitor estatiska promote tanba ne’e direitor tenke klarifika klaru.

Tuir Mariz katak Sensus la’os foti dokumentasaun babain,maibe Sensus hanesan dokumentus importante ba Nasaun,maibe direjentes sira diriji programa Sensus hanesan fali projetu ,tanba ho problema sira ne’e hanesan ne’e bele fo impaktu ba dadus Sensus 2015.

Nia haktuir, numeradores Sensus hamutuk ho Xefe suku komoro kontaktu ba direitor Jeral estatistika ho fo respostas ba ejijensia hirak ne’e maibe direitor rasik la fo respostas.

Alende ne’e, nia haktuir tan katak, adisional loron 3 ne’e mos Estatistika laiha akordu ida ho numedores Sesus sira, tanba direitor estatistika tenke fo klarifikasaun klaru ba ejijensia numeradores sira nian.

“Husi numerodores ami sira iha nia hamutuk 300, mak agora halao asaun greve ne’e” nia hatete.

Orsamentu U$.160 ba Numeradores La Lakon

Iha parte seluk, Direktur Jeral Diresaun de Estatistika Timor Leste, Antonio Freitas, hatan ba kestaun ne’e, orsamentu ba numeradores sensus uma kain 2015, U$ 160 ne’e sei la lakon, tanba tuir konkordansia ne’ebe mak iha ona.

“Hau esplika ona ba sira kona ekstensaun loron rua nomos koalia kona ba kontratu nebe iha hahu husi 11 – 25 iha 15 dollar maibe desizaun nebe mak foti iha dia 10, ami konkorda iha 160 dollar, tamba 15 dollar ne’e so aplika deit U$ 150 dollar, hela U$ 10 dollar entaun husi U$ 10 dollar ne’e tama ona ba orsamento kualiti kontrol nebe aplika komesa horseik, tamba ne’e osan U$ 160 dollar ba enumerador sira sei lalakon,” dehan, Antonio Freitas ba JNDiario iha nia knar fatin, Kaikoli, Tersa (28/07/2015).

“Ohin hau koalia ona ho sira no sira simu ho diak, normalmente ohin sira koalia kona ba aviso nebe taka ho kontratu, entaun los duni avisu nebe iha ho durasaun 16 dias, kontratu iha 15 dias, avisu ba 16 dias ne’e entrar em vigor mos ho 27 horseik, tamba ne’e mak ohin hau esplika ona ba sira kona ba asuntu ne’e no ami sei hare hamutuk strategia ida hodi bele hadia ba futuru,” nia hatete. Eus
Jornal Nacional
Harii koligasaun hosi partidu kiik iha Timor-Leste ba eleisaun tuir mai

Harii koligasaun hosi partidu kiik iha Timor-Leste ba eleisaun tuir mai


Bloco de Unidade Popular (BUP), koligasaun ne’ebé halibur partidu timor-oan lima, lahó reprezentasaun parlamentár no ne’ebé inklui mós membru ida hosi atuál governu, aprezenta ona ohin iha Timor-Leste hodi konkore ba eleisaun tuir mai.

Cecilio Freitas, eis-deputadu hosi Congresso Nacional da Reconstrução Timorense (CNRT) – forsa polítika ne’ebé hetan votu barak iha Timor-Leste, durante eleisaun ikus – maka prezidi koligasaun pré-eleitorál, sekretáriu jerál maka Avelino Coelho, atuál sekretáriu Estadu Konsellu Ministru.

Hirak ne’ebé halo parte iha koligasaun ne’e maka Partido Socialista de Timor (PST), harii iha 1990 no lidera hosi Avelino Coelho, Partido Republicano Nacional de Timor-Leste (PARENTIL), kria iha 2001 no prezidi hosi Flaviano Pereira Lopes.

Alénde ne’e BUP mós halibur Partido Milénio Democrático (PMD) harii 2004, lidera hosi Hermenegildo Kupa Lopes, Partido Liberta Povo Aileba (PLPA), kria iha 2010, no lidera hosi Francisco Gomes ho Partido Democrático Republicano de Timor (PDRT), kria iha tinan 2006.

Iha deklarasaun ba Lusa Avelino Coelho esplika katak BUP hakarak konkore ba eleisaun municipal no lejislativa no reprezenta forsa uniaun nian ida ne’ebé bele ultrapasa limite hosi votu ne’ebé presija hodi eskolla deputadu.

"Ami hanoin to’o ona tempu atu tau hamutuk esforsu polítika, kria bloku ida hanesan dalan hodi ultrapasa obstákulu, hato’o alternative no opsaun foun", esplika.

“Kada membru partidu tenke konsolida sira-ninia estrutura no BUP maka sei iha programa eleitorál, bazeia ba umanismu, solidariedade sosiál ho justisa sosiál, hanesan valór hirak ne’ebé sei orienta ami-nini asaun polítika”, dehan.

Coelho dehan katak ida ne’e hanesan koligasaun hosi partidu pré-ezistente tanba laaplika polémika proposta alterasaun prevista ba lei partidu nian no oras ne’e daudaun sai hanesan debate parlamentár hodi aumenta kritériu ba rejistu forsa polítika.

Karik alterasaun ne’e maka hetan aprovasaun, maka partidu foun ne’ebé de’it maka hakarak halo rejistu presija hetan asinatura 20.000, lahanesan atuál ho de’it 5.000, tanba pelumenus 1.000 hosi kada distritu/munisípiu Timor-Leste.

Alterasaun ba iha númeru “maka responde ba espansaun demográfika” maski iha eleisaun tuir mai, 2017 bele hetan “rihun 650 to’o 700”, ne’ebé bele aumenta ba rihun 20 “razoável duni”.

"Maibé sira mesak apoiante. Sira bele apoia partidu ida no vota iha partidu seluk", nia haktuir.

Iha aprezentasaun Cecílio Freitas destaka katak iha vontade "atu kria maneira ida hodi halo polítika, hodi respeita papel líder istóriku sira" maibé ho lideransa foun ida ne’ebé" hametin nasaun konsolida no habelar estabilidade nasionál".

"Timor-Leste presiza halo mudansa ho lalais no renova mentalidade. No renovasaun mentalidades tenke hahú halo ona no protagonista sira tenke halo ba jerasaun foun", dehan.

Hosi PST lima maka partidu ne’ebé istoriál eleitorál barak liu iha Timor-Leste, hahú hosi eleisaun ba Asembleia Konstituinte ne’ebé hetan votus besik 6.480, permiti eleisaun hosi deputedu ida, hanesan Avelino Coelho.

Iha tinan 2007 aprezenta ona forsa polítika tolu maka PDRT hetan númeru votus boot lius, 7781 (1,86% totál), tuir fali PST ho votus 3.982 no PMD (votus 2.878).

Iha eleisaun lejislativa ikus ninian aprezenta votu hosi partidu tolu, PST ho votus 11.379 (2,41% no vota barak liu ba hitu) no koligasaun Bloco Proclamador, formada hosi PMD no PARENTIL, ne’ebé hetan votus 3.125 (0,66%).

Iha momentu ne’eba tama iha vigor akórdaun hosi Tribunál Rekursu ne’ebé determina katak só sira bele eleitu deputadu partidu sira ne’ebé hetan pelumenus 3% votus ka besik votus rihun 14.

SAPO TL ho Lusa 
ONG timorense critica nova campanha de combate à SIDA que retira uso do preservativo

ONG timorense critica nova campanha de combate à SIDA que retira uso do preservativo


Díli, 30 jul (Lusa) - A organização não-governamental timorense Estrela +, de seropositivos, apelou hoje à Comissão Nacional de Combate ao HIV-SIDA (CNCS) em Timor-Leste para que recolha e corrija cartazes publicitários que retiram a recomendação do uso de preservativos.

A queixa foi feita na página do facebook da Estrela+, uma ONG de seropositivos que explica trabalhar para "garantir que os direitos das pessoas com HIV em Timor-Leste são reconhecidos, respeitados e promovidos", desenvolvendo ações de informação e educação.

"Estamos muito desapontados por ver os novos cartazes que apareceram recentemente em supermercados em Díli (...) criados pela Comissão Nacional de Combate ao HIV-SIDA", referiu.

A organização recordou que até aqui as mensagens de prevenção distribuídas respeitavam a estratégia nacional de combate à doença 2011-2016, apostando em três mensagens centrais: A para abstinência, B para fidelidade e C para o uso de preservativo.

O novo cartaz, porém, altera o C para a mensagem "controla-te", retirando qualquer referência ao uso do preservativo.

"Isso implica que pessoas seropositivas estão infetadas porque não foram fieis ou não se conseguiram controlar de ter relações sexuais arbitrárias. Isto é falso e promove estigma e discriminação contra pessoas que vivem com HIV. Mais estigma à volta da doença significa que menos pessoas se testam e têm acesso a tratamento, o que enfraquece a resposta à doença", referiu a ONG.

"Ao não dar informação sobre o uso de preservativos, estes cartazes significam que as pessoas perdem uma oportunidade de receber informação adequada sobre uma das formas mais eficazes de se protegerem do HIV", sublinhou.

Inês Lopes, da Estrela+, explicou à Lusa que a mudança de informação "deixa a população confusa" e ignora "práticas, recomendações e estratégias globais" de combate à doença.

"Não podemos olhar apenas para as questões ideológicas ou católicas. Temos que olhar para tudo, para as condições em Timor-Leste e na região. Temos que educar as pessoas adequadamente, sobre como devem atuar para prevenir doenças", disse.

A organização insiste que o HIV é uma questão de saúde pública que "não pode ser confundida com julgamentos morais sobre o comportamento das pessoas" e que as mensagens de prevenção "não podem centrar-se no controlo da liberdade sexual das pessoas, mas sim em encorajar as pessoas a ter sexo seguro".

Questionado sobre a mudança, Daniel Marçal, o padre protestante que é secretário-executivo da CNCS, explicou que se trata de "uma mudança de método", que pretende "mudar mentalidades e hábitos" e não "estimular o sexo livre".

"O uso do preservativo não educa a população para resolver o problema. A política é educar e não contribuir para sexo livre. Só fazemos a recomendação do uso para o grupo de risco", explicou.

"É um método adotado pela comissão para educar as pessoas aqui em Timor-Leste, tendo em conta a realidade de Timor-Leste", afirmou.

Segundo explicou, a decisão foi de deixar de recomendar o uso de preservativos na campanha "para o público em geral" e fazê-lo apenas para os "grupos de risco" (que definiu como homossexuais, prostitutas e portadores de HIV-SIDA).

Nas declarações à Lusa, Marçal referiu-se ao "pecado" do que definiu como "sexo livre", afirmando que "Deus criou o sexo entre um homem e uma mulher, casados, e não entre um homem e várias mulheres ou uma mulher e vários homens".

"Dizíamos abstinência, um não, depois fidelidade, um não, e depois o uso do preservativo, um sim. Isso não fazia sentido", explicou.

"Prevenir não é só o preservativo. É só uma alternativa, mas não resolve o problema até à raiz", defendeu.

O primeiro caso de HIV em Timor-Leste foi detetado em 2003, tendo atualmente uma prevalência baixa de 0,18%, com menos de 500 casos diagnosticados no país.

Os dados apontam para um aumento da incidência da doença desde 2010, em particular através da transmissão heterossexual fora dos grupos tradicionalmente considerados de maior risco.

ASP // VM