FINALISTA FILOSOFIA UNTL 22 HAHÚ ESTAJIU

Estudantes finalista  Universidade  Nasional Timor Lorosae (UNTL)   na’in 22 husi fakuldade    Filosofia hahu  hala’o  estajiu  hafoin  tuir prosesu aprendijajen  akademiku  durante tinan 4 nia laran.

Objetivu husi estajiu ne’e atu estudante sira bele  pratika buat ne’ebe durante ne’e sira  hetan ona teoria iha universidade, hodi pratika direita iha terenu.

“Ha’u hein katak sira labele halakon konfiansa ne’e monu ba rai, porque ami konfia sira ba atu komunidade sira mos bele konfia,”Dekanu  fakuldade filosoafia UNTL, Martinho Boromeu,  ba jornalista sira iha nia servisu fatin kampus  induk UNTL (19/7/2016).

Fatin ne’ebe mak estudante finalista sira atu ba hala’o pratika kompostu husi, media STL,  eskola balun, UNTL rasik,  inklui sukus balu.

“Sira ne’e estuda konaba pensamentu phisikologiku, kritiku  refletivu, entaun sira bele ba sai hanesan jornalista, bele sai editor, sira mos bele hanorin eskola sira tanba, iha kurikulu preve duni ba sira atu hanorin inklui sira mos bele ba presta  dezenvolve programa ruma iha sosiedade  komunidade, agora relasiona ho ida ne’e sira lubuk ida sei ba hanorin eskola sira tanba eskola rasik mak husu duni no seluk tan,”Nia esplika.

Iha fatin hanesan  Pro-reitor  asuntu  akademika UNTL  Marcos A. Amaral hatutan, estudantes filosofia UNTL estajiarius dadaun ne’e nudar pioneirus no pioneiras  ba fakuldade refere, tanba sira mak bibit primeiru  sai  filosoafia primeiru  nudar istoria ba UNTL, maibe husu ba estajiariuus hotu atu hala’o estajiu ho diak.

“Ita ba  hala’o pratika ou estajiu, ita ba atu moris    hamutuk  ho komunidade oinsa ita aprende atu halo pratika, aprende  atu pratika teoria sira ne’ebe mak ita aprende  liu husi teoria sria ne’ebe durante ne’e  ita  aprende iha ita nia instituisaun iha fakuldade filosofia, ita bo’ot sira ba pratika hanorin tok sira oinsa halo komunikasaun ho sira, se sira iha problema oinsa sira buka dalan atu rezolve,”esklarese nia.

Entertantu Faustino Soares, nudar  estudante hatete, preparadu  ona atu ba hala’o estajiu  tuir programa ne’ebe mak sira sei ba halo bazeia ba  disiplina ne’ebe mak sira hetan durante ne’e  iha teoria.

“Ami tama to’o faze ida ne’e, ami iha ona auto konfiansa katak, planu programa sira ne’ebe mak ami idak-idak  aprezenta ba fakuldade, e fakuldade aprova  ami sei hala’o durante  fulan rua ne’e bele hetan susesu,”tenik nia. Ola

Jornal Nacional