terça-feira, 31 de janeiro de 2017

Komisaun parlamentar aprova ho espesialidade lei ba terras e propriedades timoroan

PARTILHAR
Komisaun  A hosi  Parlamentu Nasionál timoroan aprova ho espesialidade proposta lei "rejime espesiál kona-ba  titularidade ba bens imóveis", diploma esensiál ida  ba Timor-Leste ne’ebé iha estadu 'emperradu' durante tinan barak.

Aprovasaun ho  espesialidade iha  komisaun – ne’ebé agora sei komprova iha votasaun finál no globál iha plenáriu, sei halo ajenda – no konklui ona durante retiru ne’ebé reune membru sira hosi komisaun iha ótel arredór Díli nian.

Elementu oioin hosi proposta lei ne’e hamosu polémika balun entre forsa ho reprezentasaun  parlamentar, liliu relasiona ba  aspetu sira hanesan titularidade direitu sekundáriu ba  terras e propriedades.

Iha konkretu bankada hafahe  ho apresiasaun artigu 38 hosi  proposta ne’ebé  atribui direitu propriedade ba deklarante titularidade direitu sekundáriu uluk, kazu ho " pose atuál no pasífika hosi  bens imóveis ne’ebé deklara".

Impase ne’e ikus mai rezolve no diferensa seluk entre partidu haat ho assentu parlamentar "rezolvidu", tuir fonte parlamentu ba Lusa, ne’ebé permite akordu bazeia ba lei maka konsidera esensiál ba nasaun.

Timor-Leste halo ona tentativu oioin atu  aprova lei terras e propriedades ida, prosesu komplikadu ne’ebé ho natureza komplexu ba  impaktu hosi sistema oioin nasaun nian: direitu kostumeiru no tradisionál, administrasaun koloniál portugés, okupasaun  indonézia, administrasaun tranzitóriu ONU no períodu pós-independénsia.


Diploma ida dahuluk  hetan  veta iha marsu 2012 hosi  Prezidente Repúblika tempu ne’ebá, José Ramos-Horta, ne’ebé konsedera  menus konsensu  hosi sosiedade sivil kona-ba  solusaun balun ne’ebé prevé.

Iha  meadu 2016  atuál diploma ne’e hetan aprova iha plenáriu ho jeneralidade liuhosi  debate  ho  espesialidade ne’ebé  aselera iha semana hirak ikus ne’e atu  bele  aprova diploma molok  lejislatura  remata- prevé eleisaun lejislativu ba fulan-jullu.

Direitu ba propriedade rekoñese direitu ne’ebé hetan válidu iha uluk"tuir  presedente administrasaun", kria moos figura  ba" direitu informál ho propriedade, ho intensaun  atu hadi’a injustisa ne’ebé pratika molok independénsia Timor-Leste, tanba  falta formalizasaun ba direitu".

Asesu ba rai ne’e garantidu ho forma rua: hosi parte seluk, liuhosi kriasaun ba Cadastro Nacional de Propriedades, "permite  hamosu merkadu ba bens imóvel ne’eb’e seguru no transparente" no, hosi parte seluk, klarifika " bens pertense ba domíniu Estadu, possibilidade atu realiza jestaun di’ak ba patrimóniu ne’e".

Lei ne’e rekoñese moos propriedade komunitáriu no kria figura iha zona protesaun komunitáriu.

Diploma ne’ebé  agora tama ona ba votasaun  finál no globál hola parte  pakote ho diploma tolu ne’ebé  aprova iha juñu tinan kotuk  hodi inisia prosesu lejislasaun kona-ba terras e propriedades iha Timor-Leste, aspetu ida importante tebes   ba dezenvolvimentu nasaun nian.

Hola parte moos iha pakote Lei de Bases do Ordenamento do Território,  ne’ebé  Governu aprova iha  abril 2016 no prevé " ezisténsia tipu instrumentu planeamentu territorial rua: ámbitu nasionál no ámbitu munisipál".

Diploma datoluk maka lei "espropriasaun ba utilidade públika" ne’ebé "define rejime aplikável ba  espropriasaun bens imóveis no estabelese regra no prosedimentu ba kazu ne’ebé  , Estadu, haree  ba ezekusaun iha  utilidade públika ida remata, sei iha obrigasaun, karik laiha solusaun  alternátiva ne’ebé di’ak,  sei hanaran bens imoveis sira hotu  ba ninia domíniu privadu".

SAPO TL ho Lusa
PARTILHAR

Author: verified_user

Publicação luso-timorense sem fins lucrativos

0 comentários: