terça-feira, 31 de janeiro de 2017

Petisaun hasoru vizita Trump nian iha Reinu Unidu iha ona asinatura millaun ida resin

PARTILHAR
Ema millaun ida resin asina tiha ona, to'o loron-segunda dadeer, petisaun ida hasoru vizita Estadu hosi Prezidente norte-amerikanu ba Reinu Unidu, ne'ebé ajenda ba tinan ne'e, hanesan protestu ida hasoru nia dekretu anti-imigrasaun.

Petisaun, publika iha porta Parlamentu britániku nian, husu atu Donald Trump simu iha Reinu Unidu hanesan xefe Estadus Unidus nian maibé la fó honra sira hosi vizita Estadu nian, ne'ebé implika protokolu ida ne'ebé sei simu hosi liurai-feto Isabel II iha Palásiu Buckingham.

Petisaun ne'e mosu hanesan resposta ba asinatura ne'ebé Donald Trump halo iha semana liubá ba dekretu polémiku ida ne'ebé suspende refujiadu sira hodi la tama durante loron 120 no la fó autorizasaun ba vistu durante loron 90 ba nasaun hitu ne'ebé hanesan maioria musulmanu - Líbia, Sudaun, Somália, Síria, Irake, Iémen ho Iraun - to'o iha mekanizmu foun sira seguransa nian.

Governu britániku tenki hatán ba petisaun sira ne'ebé simu ona asinatura rihun 10 resin no petisaun sira ne'ebé hetan asinatura rihun 100 tenki lori ba parlamentu britániku hodi halo diskusaun.

Porta-vós ida hosi primeira-ministra británika, Theresa May, reaje ona ba movimentu ne'e, husik loloos katak konviti ba Trump hodi vizita Estadu sei laiha revizaun. "Halo ona konviti ida, ne'ebé hatán ona", hatete hosi porta-vós hosi Nº10 Downing Street nian.

Fonte ida seluk ne'ebé la identifikadu, ne'ebé haktuir hosi The Independent, sujere ba estasaun televizaun BBC katak rejeisaun hosi vizita Estadu Trump nian ba Reinu Unidu sei hanesan "jestu populista" ida.

Petisaun aponta ba "dokumentasaun di'ak ida ba ódiu hasoru feto sira no vulgaridade" hosi Donald Trump hanesan justisaun atu labele hetan konviti no simu hosi liurai-feto Isabel II.

"Donald Trump tenki hetan autorizasaun hodi tama iha Reinu Unidu hanesan xefe Estadu hosi Estadus Unidus", defende hosi petisaun, "maibé labele hetan konviti hodi halo vizita Estadu ida tanba ne'e sei halo moe Liurai-Feto", hatutan hosi testu ne'e.

"Dokumentasaun di'ak ba ódiu hasoru feto sira no Donald Trump nia vulgaridade la kualifika nia hodi liurai-feto ka Prínsipe Gales, bele simu nia. Tanba ne'e, durante nia prezidénsia, Donald Trump labele hetan konviti hosi halo vizita ofisial Estadu .nian ba Reinu Unidu", hatutan hosi petisaun ne'e.

Partidu britániku sira hosi opozisaun mós apela ona iha loron-domingu ba Governu hodi la simu Prezidente norte-amerikanu, hafoin indikasaun katak sidadaun sira ne'ebé mai hosi nasaun hitu musulmanu ho nasionalidade duplu britániku tenki halo tuir mós medida ne'e.

Xefe diplomasia britániku, Boris Johnson, esklarese ona lei bandu ne'ebé halo hosi Estadus Unidus, hodi garanti katak sidadaun britániku barak sei la afetadu hosi dekretu ne'ebé Donald Trump asina ne'e.

SAPO TL ho Lusa
PARTILHAR

Author: verified_user

Publicação luso-timorense sem fins lucrativos

0 comentários: