quarta-feira, 22 de fevereiro de 2017

Estadu-Governu Tenki Tulun Seitor Justisa Lori Fila Emilia

PARTILHAR
DILI - Estadu no governu Timor Leste Presiza tulun seitor justisa hodi lori fila eis Ministra Finansas Emilia Pires, atu kumpri prosesu justisa atu nunee labele fo inpaktu ba justisa iha futuru.

Tuir Diretur Luta Hamutuk Mericio Akara katak Kazu Emilia Pires laos segredu publiku, ema hotu hatene no hakarak kazu nee tenki rezolve no Emilia tenki responsabiliza ninia aktu iha tribunal.

Ita nia Estadu no Governu tenki esforsu Aan nafatin hodi fo tulun ba ita nia tribunais sira nunee bele iha forsa atu lori fila emilia no hakotu prosesu nee,” dehan Akara ba STL Kuarta (22/02/2017) iha Nia knar fatin, Farol.

Nia husu mos ba politiku nain sira labele halo intervensaun politika maibe ajuda prosesu neebe mak iha, atu nunee sidadaun neebe mak komete krime bele responsabiliza aktu neebe deskonfia komete.

Iha fatin hanesan Xefi Bankada CNRT Natalino dos Santos hatete prosesu lao hela no emilia seidauk hetan desizaun tranjitadu enjulgadu desizaun tribunal primeiru instansia fo sai ona maibe sei halo rekursu.

Iha fatin ketak Prokurador Jeral Republika Jose Ximenes katak prosesu emilia PIrres nian tribunal primeiru instansia deside ona maibe Advogadu aprezenta rekursu no mos ministeriu Publiku Aprezenta hotu rekursu. Timotio Gusmao

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: