Kanpres Lu-Olo Lansa Kafe Diskusaun Lu-Olo

DILI – Kandidatura Prezidente Republika Francisco Guterres Lu-Olo halo lansamentu ba Kafe diskusaun Lu-Olo, iha Bebonuk, Dili.

Lansamentu kafe diskusaun Lu-Olo neebe maka halao iha loron Sabdu, (25/02/20170), Iha Bebonuk, Comor, Dili, nee ho objetivu atu kolia no diskuti konaba figura kandidatu Prezidente Republika neebe mai husi partidu Fretilin.

Januario Coreira hanesan membru ba kafe diskusaun Lu-Olo hateten, Objetivu prinsipal husi estabelese kafe diskusaun ida nee maka primeiru atu kolia no diskuti konaba figura kandidatu Prezidente Republika neebe mai husi partidu Fretilin.

Funsaun no papel saida maka Kanpres Lu-Olo sei halo, bainhira eleitu ba Prezidente Republika.

Ita fiar katak ita nia kandidatu nee kandidatu unik, neebe wainhira eleitu nia sei diferenti ho Prezidente sira seluk neebe maka asimu hela kargu no sira seluk ,” dehan Januario, iha nia diskursu, bainhira Kanpres Lu-Olo halo lansamentu ba kafe diskusaun Lu-Olo, Iha Bebonok, Comoro, Dili, Sabdu (25/02/2017).

Nia dehan, kafe diskusaun ida nee  kolia lahotu iha nee, maibe sei iha nia sutentbilidade to iha eleisaun Parlametar, tanba iha kafe nee laos  halo kampana debate programa partidu Fretilin nian, komprimisiu politik ba eleisaun parlametar.

Kafe diskusaun Lu-Olo tuir Januario katak mai husi hanoin positivu entre strutura baze, joventude Fretilin, Kordendor Aldeia metin un Martinho neebe maka fo nia fatin ida nee hodi realize programa ida nee.

Iha fatin hanesan Antonio Clao hanesan membru komisaun politika Postu Administrativa Don Aleixo hateten eventu nee halo parte husi aktividade ekipa eventual iha Don Aleixo, neebe maka intelektual sira hamosu idea ho naran kafe diskusaun Lu-Olo. Carme Ximenes

Suara Timor Lorosae