sábado, 25 de fevereiro de 2017

Reseitas Domestika La Sufisente Selu Salariu Funsionariu

PARTILHAR
DILI - Hare ba fundu petroliferu hahu tun dadauk ona ba U$ Bullaun 15.6, nee fo hanoin no alerta nafatin governu atu halo poupansa, no kuidadu nafatin osan povu nian, tanba resetas domestika la sufsinte atu selu salariu funsionariu tenke buka alternative seluk.

Bain hira ita halo reforma tributaria iha 2009 ita nia resetas purvolta 20 too 30 Milloens kada tinan no reforma tributaria too ohin loron ita nia resetas nee sae neneik deit, no iha tinan kotuk liu ba sae ba U$ 160 milloens dolar husi resetas nao petroliferu, no atu selu deit salariu funsionariu nian ba tinan ida la sufisinte,”informa Prezidente Komisaun D neebe trata Asuntu Ekonomia dezenvolvimentu Jacinta Abucau Pereira ba STL kinta (23/02/2017) iha nia knar fatin PN.

Nia mos informa liu tan katak, hanesan matan tilun povu nian nafatin husu ba Governu, atu jere osan estadu nian ho didiak no jere tuir planu sira neebe maka aprezenta ona mai iha PN, tanba 2017 nee nakonu ho atividade elisaun tan nee ezekutasaun osan tenke tuir planu neebe iha.

Iha fatin hanesan Prezidente Parlamentu Nasional Aderito Hogo hateten, osan husi fundu mina no gas nian hahu mihis dadauk ona, no hare ba resetas nao petroliferu nee kiik tebes, atu selu deit salariu funsionariu nian la too ba tinan ida tanba, salariu funsionariu nian kada tinan kuaze 200 milloens ba leten, no makina estadu nian sei boot ba bebeik.

Nunee mos Diretur Jeral Camara Comersiu Industria Timor Leste (CCI-TL), Nuno Trindade hateten resetas domestika kiik tanba, setor sira neebe atu kontribui ba resetas estadu nee too agora governu seidauk dezenvolve diak. Madalena Horta

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: