quinta-feira, 30 de março de 2017

Antonio Tanjani: Afrika bele sai hanesan kolónia xineza ida

PARTILHAR
Kontinente afrikanu, parseiru ekonómiku prinsipal ida Xina nian, "agora bele hetan risku sai hanesan kolónia xineza ida", hatete hosi prezidente Parlamentu Europeu, Antonio Tanjani, iha edisaun hosi jornal alemaun Die Welt iha loron-kuarta ne'e.

"Áfrika bele sai ohin loron hanesan kolónia xineza ida, ema xinés sira hakarak de'it matéria importante sira. Sira laiha interese ba estabilidade", afirma hosi Tanjani.

Empreza xineza sira iha hela prezensa maka'as ida iha Áfrika iha tinan 20 liubá, liuliu iha área sira hosi rekursu natural sira. Iha tinan 2015, komérsiu entre kontinente afrikanu no Xina kalkula ho folin euro biliaun 160.

Kona-ba krizi migratóriu no fluksu rekuerente sira hosi azilu afrikanu ne'ebé tenta to'o iha Europa, inklui hosi Líbia ba Itália, Tanjani konvense katak UE "hodi investe biliaun resin (iha Áfrika) no dezenvolve estratéjia ida iha prazu naruk".

"Áfrika iha daudaun situasaun trájiku ida (…), bainhira la rezolve problema sentral sira hosi Áfrika, imigrante hamutuk miliaun 10, 20 ka 30 sei to'o iha Europa iha tinan sanulu nia laran", subliña hosi prezidente Parlamentu Europeu.

Antonio Tanjani hatete katak konkorda estabelese iha Áfrika "kampu sira akolimentu nian ho protesaun hosi ONU no hosi forsa armada europeiu sira", iha hanesan "sidade temporáriu ida ho hospital sira no infraestrutura sira ba labarik sira, ne'ebé ema sira bele moris temporáriu".

Hafoin taka dalan migratóriu hosi Balkan iha fulan-Marsu 2016, ema europeu sira hakarak rezolve problema hosi Mediteráneu sentral, maibé hasoru rezisténsia hosi sira nia parseiru afrikanu sira no falta interlokutor sira iha Líbia, ne'ebé ró barak ho migrante sira sai hosi fatin ne'e.

Tuir organizasaun la'ós governu españól nian Pro-Activa Open Arms, migrante afrikanu na'in 250 resin karik mate iha bote insuflavel rua, iha semana liubá iha largu hosi tasi-ibun Líbia nian.

SAPO TL ho Lusa
PARTILHAR

Author: verified_user

Publicação luso-timorense sem fins lucrativos

0 comentários: