sexta-feira, 10 de março de 2017

CI HUSU INSTITUISAUN MÍDIA JERE JESTAUN HO DI’AK

PARTILHAR
Conselho Imprensa (CI) hala’o sorumutu ho nain ba instituisaun Mídia sira, husu atu jere instituisaun ho di’ak, nune’e bele hadia kualidade produsaun notisia husi jornalista sira.

“Asuntu ne’ebé mak ami koalia ho mídia nain sira mak hametin jestaun mídia nian, hodi garante kualidade produtu jornalístiku ninia ne’e katak, mídia na’in sira tenki enkoraza jornalista sira hodi fó formasaun no fasilita jornalista sira atu nune’e jornalista sira bele kontribui produsaun notisia ne’ebé di’ak,”afirma Prezidenti CI, Virgílio Guterres, ba Jornalista sira iha Fundasaun Oriente Kinta (09/03/2017).

Tamba, sai jornalista ida ne’ebé mak di’ak no kualidade ne’e lao’s di’ak ba públiku, maibé di’ak ba mídia ne’e rasik, i ema bele fiar mídia ne’e.

Iha oportunidade ne’e CI  sujere nain ba instituisaun mídia sira atu nune’e hamosu sira ninia asosiasaun, tanba iha ona asosiasaun jornalista, asosiasaun fotografer no seluk tan, maibé asosiasaun nain ba Mídia seidauk iha.

“Ami enkoraja mídia nain sira atu oinsa sira hamosu sira nia asosiasaun rasik, tamba iha ona asosiasaun jornalista, asosiasaun fotografer, asosiasaun mídia sira seidauk iha asosiasaun,mesmu iha reprezentasaun iha konsellu imprensa,”afirma Virgílio Guterres.
Aliende  ne’e CI sujere mos ba nain ba mídia sira atu tur hamutuk ho redasaun oinsa bele hamosu hanoin ida konaba titulu ho lia fuan tetun.

“Buat ne’ebé mak ami hetan mak notisia barak mak single source katak, kobre hotu, jornalista sira halo entrevista ema ida deit, tamba ema ne’ebé mak hetan akuzasaun ita la konfirma fali hanesan ita entrevista lider balun koalia kona-bá tribunal ka justisa, maibe ita la konfirma fali instituisaun kompetente, ”esklarese prezidente CI.

Alénde sensetivu jeneru liu-liu justisa sira koalia ba maluk feto sira entendensia jeneraliza situasaun ezemplu, jeneraliza feto sira soe bebe ne’e hakarak buka gostu depois la simu bebe ne’e hatudu jeneraliza, tamba kazu hotu-hotu soe bebe ne’e laos buka gostu deit,maibe balun tamba kazu violasaun seksual insestu nune’e tenki konsidera hotu molok atu tau titulu ida ne’ebé loke interpretasaun luan.

Iha fatin hanesan nain ba Jornal Diário Timor Post, Rosa Garcia, apresia servisu no peskiza CI nian ne’ebé fó atensaun tebes ba média imprime, eletrónika, online no sira seluk, enkoraza atu hadia jestaun no kualidade produtu jornalístiku Timor Leste nian.

“Ha’u nu’udar mídia nain ba Jornal Diário Timor Post apresia tebes ba Conselho Imprensa no ami rekoñese erru ne’ebé dala ruma akontese iha, maibé tanba fontes balun mak taka-an ba mídia oinsa jornalista sira atu halo entrevista, tanba fontes balun jornalista sira atu entrevista tenki ho razaun oi-oin deit, maske notisia ne’e importante atu públiku bele hatene,”haktuir Rosa Garcia.

Tanba ne’e nia dehan, CI presiza fó informasaun ba membru Governu sira atu nune’e wainhira jornalista sira presiza entrevista halo konfirmasaun ba notisia, sira labele taka-an ba jornalista sira. tos  

Jornal Nacional Diário
PARTILHAR

Author: verified_user

Publicação luso-timorense sem fins lucrativos

0 comentários: