quinta-feira, 30 de março de 2017

Deskonfia Ema bo’ot balun hakiak anak emas iha HNGV, HNGV aimoruk laiha, mosu fali iha Klínika

Membru Parlamentu Nasional ne’ebé trata asuntu Saude, Edukasaun, Desportu, no Veteranus, Eladio Faculto, deskonfia ema bo’ot (elite politika) balun hakiak fali anak emas iha Hospital Nacional Guido Valadares (HNGV), Dili.

“Uluk ha’u rona Diretor HNGV nian ne’e hanesan anak emas fali ba ema bo’ot balun, ha’u lakonkorda kuando servisu lalos tempu fo ba ema seluk tanba iha HNGV atu atende ema barak nia moris la’os atu lori ema ba sakrifka-an iha neba. Tanba ne’e  halo kondisaun hospital nian sai sabraut hanesan ne’e ita rona aimoruk laiha, ekipamentus aat hotu, ne’e ladiak,”deklara Deputadu husi bankada FRETILIN, Eladio Faculto ba Jornalista sira iha PN, Kuarta ( 29/3/17).

Nia hatutan, tinan-tinan Governu tau osan hodi sosa aimoruk, maibe defaktu aimoruk iha HNGV laiha hela deit.

“Hospital Nasional Guido Valdares hanesan kumpri ba konstitusaun RDTL dehan katak fo tratamentu gratuita, maibe komesa sira viola fali konstitusaun ne’e rasik. Ha’u husu Ministeriu Publiku se bele halo intervensaun investiga tanba ne’e viola konstitusaun RDTL, tenki investiga ema sira ne’ebé iha Diresaun HNGV komesa sengaja (Finii-red) hateten aimoruk laiha para haruka pasiente nia familia sira tenki ba halo kompras iha klinika ne’ebé mak partensia ba sira nian para fo lukru ba sira nia familia, aimoruk iha HNGV laiha ba haree fali iha klinika sira iha estrada ibun sira ne’e ita haree aimoruk nakonu mas ita ba husu iha HNGV dehan aimoruk laiha tiha ona,”kestiona Eladio Faculto.

Atu evite problema sira ne’ebé dala barak ema kestiona iha HNGV Deputadu Eladio Faculto husu ba Ministeriu Saude tenki halo remodelasaun lalais ba estrutura iha HNGV.

“Ita hatene agora problema bo’ot iha hospital nasional konaba sasan sira ne’e kaundo funsiona ladiak, ema balun dezafia tanba diresaun HNGV nia kondisaun ladiak Sr. Diretor HNGV halo karaoke deit la tau funsionamentu saude akompañamentu ba servisu profisional saude sira iha neba husik hela ema ida- idak halo ninian, larona malu. Entaun buat sira ne’e akontese ona hanesan aimoruk laiha, ekipamentu aat kuaze buat hotu hotu akontese iha HNGV, buat sabraut ema moras ba nafatin, mate nafatin, kondisoens aimoruk  ba sosa iha liur nafatin ema hotu hotu preokupa kondisaun iha HNGV Sr. Diretor hein karaoke deit, ha’u ejiji atu remodela tiha estrutura iha neba,”nia sujere.car

Jornal Nacional Diário

Sem comentários: