quarta-feira, 29 de março de 2017

DOM BASÍLIO: HALO DI’AK, LA’OS HO LIAFUAN DE’IT

PARTILHAR
Bispu Diocese Baucau, Dom Basílio do Nascimento esplika iha nia retiru katak, halo di’ak ba ema seluk la’os hanorin ho liafuan de’it, maibé presiza hatudu mós ho hahalok, testemuñu, esperiensia no jestu ne’ebé di’ak atu fila ema nia-an ba buat ne’ebé loos.

“Ita bele halo di’ak ba ema seluk, la’os hanorin de’it ho ita nia liafuan, maibé ho ita nia hahalok, ho ita nia testemuñu, ita nia esperiensia no ho ita nia jestu sira ne’e ha’u hanoin dalan diak atu ita fila ita nia-an,”esplika Dom Basílio wainhira halo retiru Polisia Nasional Timor Leste iha Akademia PNTL, Comoro Díli foin lalais ne’e.

Dom Basílio hatutan, ema nia relasaun ho Maromak halo sira komprende sira nia moris iha tempu agora no iha futuru. Maibé bainhira ema moris iha mundu ne’e iha tentasaun lubuk ida ne’ebé bele hadook no hakbesik ema ba Maromak, no presiza uza kakutak no orasaun atu bele manan tentasaun hirak ne’e.

Maibé Bispu Diocese Baucau ne’e haktuir, ema nia sala bele bo’ot oinsa mós, Maromak nia perdaun bo’ot liu fali, ema dala barak bele la perdua malu, maibé Maromak fó perdaun nafatin.

“I tamba ida ne’e mak ita bele brani hodi ba husu perdua ba Maromak bainhira halo sala. Jesus Kristu kuandu perdua ema, Jesus dehan hanesan ne’e, husi ne’e ba oin buka la halo sala tan. Ida ne’e mak ba ita todan. Maibé biar ita monu ba buat ida frakeza rai ne’e nian ne’ebé dada bebeik ita ba sala, maibé ita ba husu perdua nafatin,”fundamenta Dom Basílio.ías

Jornal Nacional Diário
PARTILHAR

Author: verified_user

Publicação luso-timorense sem fins lucrativos

0 comentários: