quarta-feira, 29 de março de 2017

ELEITORES 200.000 RESIN LA VOTA, PN KONSIDERA GOVERNU HO STAE FALHA

PARTILHAR
Prezidente KFP ne’e hatete, ho edukasaun sívika mak ema bele hatene oinsa sira  bele uza sira nian direitu hodi ba tuir vota no seluk tan.

“Kompara ho 2012 nian edukasaun momentu ne’eba ne’e CNE hala’o ho maka’as tebes, ho objetivu atu  oinsa hasa’e ema nia konsiensia sívika, hametein liu tan sira nian responsavel sívika inklui konvida sira iha loron eleisaun. tanba ita nian konstituisaun ne’e difini  dehan vota ne’e nu’udar direitu síviku, la’os  dever sívika, entidades hotu tenki hatene,”Eis Prezidente CNE eleisaun prezidensial  periodu 2007-2012 ne’e  halo komparasaun.

Tuir nia, entidades hotu presija hatene saida mak direitu sívika nomos dever siviku, tanba  parte rua refere lahanesan. “Direitu nia bele uza nia direitu, maibe mos bele lae. tanba ne’e oinsa atu hatene diferensia ne’e presija iha edukasaun sívika ne’ebé diak no makaas liu tan,”dehan Faustinho Cardoso.

Alende nia dehan, falta edukasaun sívika taxa partisipasaun eleitores tun,  rajaun seluk mos mak tanba mobilidadade populasaun ne’ebé aas no seluk tan.

“Iha razaun seluk ne’ebé mak halo taxa partisipasaun ne’e tun mos tanba  mobilidade populasaun ne’ebé bele hatete hahú husi jerasaun foun tun mai jerasaun tuan ne’ebé mosu tanba ho rajaun oi-oin porijemplo tanba  eskola, tanba bisnis no tanba servisu no seluk tan, ida ne’e mak rajaun halo ema barak la tuir vota relasiona ho lei eleitoral ne’ebé hatete entidades hotu-hotu  iah direitu vota tuir fatin ne’ebé nia rejistu ba,”prezidente KFP ne’e esplika.

Nune’e iha eleisaun prezidensial foin lalais, apuramentu ne’ebé fo sai husi Comissão Nacional de Eleições katak, votus ba kandidatu prezidente Repúblika, Antonio Maher  Lopes ‘Fatuk Mutin’ ho votus  9.102 (1,8%), Francisco Guterres ‘Lu-Olo’ ho Votus 295.048 (57,1%), Amorin Viera 4.283 (0,8%),  José Antonio de Jesus das Neves ho votus 11.663(2,3%), José Luis Guterres ho votus 13.513 (2,6%), Maria Angela Freitas ho votus 4.353 (0,8%), Luis Alves Tilman 11.125(2,2%) no Antonio da Conceição ho votus 167.794 (32,5%).

To’u nutísia ne’e fó sai Jornalista husi Jornal ne’e seidauk hetan konfirmasaun husi STAE, ne’ebé hanesan órgaun eleitorál ne’ebé hala’o nia knar realiza eleisaun iha territóriu Timor Leste (TL).cos/ola

Jornal Nacional Diário
PARTILHAR

Author: verified_user

Publicação luso-timorense sem fins lucrativos

0 comentários: