Feto Tenke Hola Parte Iha Atividade Suku

DILI – Feto sira tenke hola parte iha atividade suku, neebe mak sempre halao kada semana iha suku laran, tanba iha suku Caicoli rasik, feto sira komesa partisipa iha atividades oi-oin.

Tuir Xefi suku Caicoli, Hipolito Marques hatete, nia la koalia feto sira iha suku seluk, maibe koalia deit iha nia suku Caicoli, bainhira iha atividades ruma halao iha suku laran, maioria feto mak hola parte, tanba feto sira hakarak atu dezenvolve sira nia suku, oinsa mak atu halo kooperasaun servisu diak ho autoridade lokal iha suku nee.

Hau hakarak atu koalia iha nee, maibe hau la koalia ba suku seluk, maibe hau koalia deit iha hau nia suku Caicoli rasik, bainhira iha atividade ruma mosu iha suku Caicoli ninia, maioria feto mak partisipa, hau sempre koalia ba feto sira katak, agora ita nia nasaun demokratiku bele partisipa iha kualker eventu neebe mak halao iha suku laran,” dehan Hipolito ba STL iha knua STL Surik-Mas, Dili, Kuarta (29/03/2017).

Nia hatete, durante nee, feto sira iha suku Caicoli rasik, sempre partisipa iha atvidade desportu, koperativa no atividade sira seluk tan neebe mak durante feto sira sempre hola parte, tanba nee, feto tenke iha vontade, atu bele dezenvolve liu-liu iha atividade ruma. Jacinta Sequeira/Guilhermina Franco

Suara Timor Lorosae