sexta-feira, 10 de março de 2017

Filipina, Malázia no Indonézia monta patrullamentu kontra pirataria iha rejiaun

Filipina, Malázia no Indonézia sei lansa operasaun patrullamentu hamutuk kontra pirata ne’ebé nakonu iha tasi rejiaun ne’ebá, anunsia iha horisehik  Governu filipinu, mosu atake, naok no oho hosi estremista izlámiku.

Grupu Abu Sayyaf, ne’ebé afirma luta iha sorin grupu estremista Estadu Izlámiku, monta rede naok  ho  resgate no agora atua iha rejiaun, naok  peskadór no mariñeiru iha naviu ne’ebé liu, inklui idozu alemaun, ne’ebé  hetan oho hafoin  ezijénsia resgate lasatisfeitu.

Sekretáriu Defeza  filipina, Delfin Lorenzana, anunsia katak  iha ona akordu ho ninia omólogu malaiu no  indonéziu atu  monta dispozitivu seguransa permanente ne’ebé halo  patrullamentu ba  rota hosi  naviu komersiál.

"Ita sei inaugura iha  abril ka maiu patrullamentu hosi nasaun tolu iha area ne’ebá", afirma iha konferénsia imprensa, ne’ebé sita hosi  ajénsia France-Presse.
Maibé "naviu sira tenki respeita korredór ne’ebé estabelese atu ita bele  proteje", hatutan Delfin Lorenzana.

Rejiaun marítima entre nasaun tolu dala barak sai perigozu iha tinan hirak ikus ne’e, bele sai  situasaun ida hanesan  Somália, karik onda atake ne’e lainterrompe.

Iha  fevereiru ikus ne’e, grupu Abu Sayyaf  kaer Jürgen Kantner, tinan 70, hafoin fulan lima hetan  ninia ró mout hela iha sul Filipina nian, ho mate isin nia kolega, Sabine Merz, ne’ebé mate hafoin hetan tiru.

Abu Sayyaf mantéin naokk ema estranjeiru na’in  31, inklui mariñeiru  vietnamitas neen ne’eb’e hetan naok hosi  atake ba naviu ho sasan iha  sul Filipina fulan ida liubá, tuir  Lorenzana.

SAPO TL ho Lusa

Sem comentários: