quinta-feira, 9 de março de 2017

Labele Duvida Ho Servisu Polisia

PARTILHAR
DILI - Dala barak entidade balun kestiona servisu Polisia Nasional Timor-Leste (PNTL) tanba haree husi aspektu intervesaun polisia, maibe ida nee laos desafius ba polisia halo nian servisu.

Tuir observador Politiku UNTL Camilo Ximenes katak, polisia nudar autoridade seguransa no nuudar lutu ba nasaun. Tanba nee maske iha kestaun balun neebe mak ita nia autoridade seguransa nee halo hodi sai preupasaun ba komunidade. Ida nee tuir lolos laos problema ka kestaun seriu ida ba iha autoridade seguransa nian.

Ita labele konsidera PNTL nia servisu sai fali hanesan aspektu neebe ladun diak ba sira nian servisu hodi hamosu presepsaun oin-oin, ida nee laos kestaun seriu ida. Maske iha buat balun sira halo durante servisu maibe ida nee laos defia servisu polisia nian,” dehan Camilo ba STL iha Kampus Tuan UNTL Caicoli, Kuarta ( 8/3/2017).

Tuir nia katak, durante nee PNTL halao servisu mosu infrasaun hasoru komunidade ba kestaun nee sai hanesan abodajen iha publiku no ema barak preukupa maibe, labele tau hanesan asuntus seriu. Tanba polisia nee nuudar autoridade seguransa neebe fo seguransa ba komunidade no nasaun.

Komunidade sira kestiona servisu PNTL nian liu-liu ba iha asuntus operasaun, maske ida nee sempre mosu lamentasaun. Maibe, ita mos labele nega sira nian servisu, hakarak ka lakohi kontinua apresia servisu polisia nian tanba fo asegurasaun ba ita nia lina terestre no segurasan rai laran.

Tantu no prinsipal ba nasaun ba kualker tentativa husi externa nian, tanba nee tenke fo apoiu nafatin ba servisu polisia. Oras nee dadaun  povu selebra festa demokrasia iha tinan 2017 nuudar tinan eleisaun jeral atu prevene komflitu grave tantu simples nee polisia hamutuk komunidade maibe ita komunidade mesak labele atu atu problema.

Iha sorin seluk Membru Parlamentu Nasional Deputadu David  Dias dehan,   seguransa diak kuandu  haree husi medida preventiva neebe maka diak, laos haree husi kestaun medida represiva deit.

Ita labele konsidera polisia nian servisu nunee maibe kuandu PNTL iha situasaun violesia nee ejije presiza ho aksaun neebe mak reservisu. Tanba nee duni ita kuandu lahatene kontestu seguransa labele koalia kestaun seguransa,” katak David.

Nia ba kestaun seguransa nian neebe maka oras nee sai preukupasaun nee ba iha publiku nian parte mos tinan tina sempre kolai hela deit kestaun nee tamba kauza nee husi medida preventiva, maibe medida preventive maka ladu diak nee bele mos kestaun hirak nee.

Hatan ba preukupasaun servisu Polisia Nasional Timor-Leste (PNT) durante nee, Adjuntu Komadante PNTL Munisipiu Dili Superientidente Asistente  Eucluides  Belo dehan, polisia laos instrumentu politiku maibe polisia  halo nian knar  tuir lei no orden  ba kualker infrasaun neebe komunidade komete polisia foti medida tuir lei no orden  neebe  latendensia  ba buat ida. Natalino T.da Costa

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: