Luis Tilman Husu PR Foun Kombate “Preman Politik Iha ministeriu”

DILI – Kandidatu Prezidente Republika numeru soteiu 7, Luis Tilman hatete maske lakon iha Eleisaun Prezidensial (Elpres), maibe hanesan Timor oan nunka lakon tanba nee hanesan Timor oan husu ba prezidente eleitu kombate preman politik iha governu.

Husu ba Prezidente eleitu ho governu foun sei mai tenke servisu makas kombate tiha preman politik ida kalangan kementerian (ministeriu), preman politik ida kalangan masyarak,” dehan Kanpres, numeru soteiu 7, Luis ba jornalista sira hafoin remata partisipa publikasaun rezultadu eleisaun iha edifisiu TR, Caicoli-Dili, Kinta (30/03/2017).

Luis Tilman haktuir, povu hakarak moris diak iha pais ida nee mak Prezidente eleitu ho governu foun sei mai tenke kombate, se lae povu sei sai vitima ba hahalok ida nee.

Iha fatin ketak, Portavoz OIPAS, Pe. Agustinho Soares esplika, ho konfiansa neebe mak povu fo ba nia (Lu-olo) liu husi demokrasia tanba nee hanesan Timor oan ita mos tenke fo konfiansa ba nia.

Entertantu, Diretor Ezekutivu FONGTIL, Arsenio Pereira dehan, hanesan sosiedade sivil no mos hanesan sidadaun, esperansa ba prezidente foun mai bele servi povu ho diak. Raimundo S. Fraga

Suara Timor Lorosae