ME Tenke Buka Responde Problema Infraestrutura Eskola

DILI - Ministeriu Edukasaun (ME) tenke buka atu responde ba problema infraestrutura eskola neebe mka durante nee sai preokupasaun ema hotu nian, atu nunee tinan 10 mai tan balu bele diak ona mezmu latoo 100 pursentu maibe rezolve  balu rezolve duni ona.

Kestaun nee hatoo husi, Prezidente SPTL (Sindikatu Profesores Timor-Leste) Francisco Fernandes hatete,  kona ba problema  infraestrutura sai preokupasaunboot ema hotu nian iha Timor laran tomak, dalaruma ita haree prezidente lao iha area rural sira, sai iha filmajenkatak eskola kakuluk balu laiha, kadeira meja lakompletu, eskola balu diding ho tali kelen, i iha mos  balu moru nakfera hotu ona.

ME tenke buka maneira oinsa mak atu bele responde oituan-oituan kona ba problema infraestrutura sira nee, depois de 10 anus mai ita haree katak ho buat sira neebe mak ema preokupa nee balu bele diak ona,” katak Francisco ba STL iha Intervista Kinta (30/03/2017) iha ME Vila-Verde.

Nia hatete, bainhira ME kuandu buka meius hadia oituan-oituan fiar katak tinan 5 ou tinan 10 mai tan mezmu laatinji 100 pursentu maibe balu-balu rezolve duni ona. Haree ba buat sira nee iha iha konferensia nasaional ME nian foin lalais nee hatudu katak iha eskola balu halo diak tiha, maibe depois de hotu lakleur deit aat fali ida nee sai hanesan preokupasaun.

Nunee mos Diretor Jeral Servisu Kooperativus Minsiteriu Edukasaun Antoninho Pires hatete katak, koalia kona ba problema infraestrutura emjeral problema nee ema hotu preokupa, maibe ho problema sira nee hotu, labele atu rezolve dala ida deit. Guilhermina Franco / Jacinta Sequeira

Suara Timor Lorosae