terça-feira, 28 de março de 2017

PN La Fo Importansia Debate Lei Anti Korupsaun

PARTILHAR
DILI – Reprezentante povu iha uma fukun Parlamentu Nasional (PN) terseiru legislatura lafo importansia hodi debate lei Anti Korupsaun, tamba too oras nee seidauk halo diskusaun no halo aprovasaun.

Tuir Diretur Interinu Luta Hamutuk Jose Alves da Costa katak komitmentu PN hodi halo diskusaun aprova lei anti korupsaun, maibe too agora seidauk halo diskusaun iha plenaria.

Ita rona lei anti korupsaun laos foin tama iha fulan hirak nia laran, maibe tinan ona no lei nee mos ejijensia publiku, maibe ita nia deputadu sira ladun fo importante maske sira nia mandatu besik remata ona,” dehan Jose ba STL Tersa (28/03/2017) iha nia knar fatin.

Nia hatete Lei Anti koruosaun nee importante tamba lei anti korupsaun mak bele fo benefisiu ba povu, maibe realidade reprezentante povu iha PN ladun fo importansia. Nia hatete PN too agora seidauk fo importansia hodi debate lei anti korupsaun, maibe fo Importansia ba lei sira seluk.

Iha fatin ketak Xefi Bankada CNRT Natalino dos Santos hatete, prosesu ba kazu krime korupsaun lao hela no tribunal halo julgamentu, maibe publiku preokupa tenki iha lei Anti korupsaun maibe realidade julgamentu lao hela. Timotio Gusmao

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: