sexta-feira, 28 de abril de 2017

Estudante Universitariu Tenke Dezenvolve Tetun

PARTILHAR
DILI – Lian tetun sai hanesan lian ofisial iha Timor Leste (TL), tanba nee husu ba estudante sira iha universitariu, atu bele dezenvolve diak liu tan tetun iha futuru.

Tuir Francisco Mariano dos Santos, hanesan dosente lian tetun iha UNTL katak, tetun nee sai hanesan lian ofisial, ho razaun ema ida-idak presiza tau nia aan iha nasaun, para bele dezenvolve diak liu tan lian tetun.

Tanba tetun nee obrigatoriu, se karik ema ida-ida mak iha hanoin diak ona, para atu bele koalia tetun ho diak, tuir tetun padraun nasional neebe mak dezenvolve ona, agora livru tetun nee too ona iha baze, espera katak, livre tetun nee rasik sei mai too iha universidade,” hatete Francisco ba STL hafoin partisipa iha seminariu diskusaun meza redonda demokiratizasaun iha salaun MSS Caicoli, Dili, Kinta (27/04/2017).

Francisco akresenta, iha buat balun neebe mak ema dehan, tetun nee buat ida laiha vokabulariu, vokabulariu nee barak, ema mak dehan tetun nee kiak, maibe lae. Tanba nee, husu ba Timor oan tomak atu bele dezenvolve diak liu tan lian tetun, liu-liu ba estudante sira neebe mak iha universidade, atu oinsa mak uza tetun nee bele lao ba iha nasaun, tanba ema seluk  bele fahe sira nia dalen nee iha Timor.

Iha parte seluk, Natalino Lopes, hanesan dosente agrikultura iha UNPAZ hatete, presiza promove lian ofisial tetun no portugues, maibe oinsa mak ema hotu atu dezenvolve no promove diak liu tan lian ofisial rua. Jacinta Sequeira/Guilhermina Franco

PARTILHAR

Author: verified_user

Publicação luso-timorense sem fins lucrativos

0 comentários: