quinta-feira, 27 de abril de 2017

Governu timoroan hakarak aumenta votasaun hosi sidadaun sira iha estranjeiru

PARTILHAR
Governu timoroan hakarak aumenta ba emigrante sira ne'ebé hela iha Koreia-Súl no iha Reinu Unidu posibilidade hodi vota iha eleisaun lejislativu tuirmai, hodi aumenta opsaun ida ne'ebé fó ba rezidente sira iha Portugal no iha Austrália iha prezidensial sira foin lalais ne'e.

Asuntu ne'e debate iha loron-tersa iha Konsellu Ministru sira ne'ebé aprova ona rezolusaun ida hosi "atualizasaun ba resenseamentu eleitoral iha estranjeiru ba eleisaun parlamentu tuirmai", hanesan refere iha komunikadu ne'ebé fó sai hosi ezekutivu iha loron-kuarta ne'e.

Antes hosi operasaun sira resenseamentu nian, Sekretáriu Tékniku hosi Administrasaun Eleitoral (STAE) nian sei promove kampaña ida ba divulgasaun públika nian, ne'ebé "inklui fahe informasaun kona-ba resenseamentu eleitoral iha estranjeiru" ne'ebé destina ba komunidade timoroan sira.

Alcino Baris, prezidente hosi Komisaun Nasional ba Eleisaun sira (CNE) timoroan nian, explika ona ba Lusa katak Governu hakarak avalia kondisaun tomak ne'ebé iha ligasaun ba resenseamentu iha nasaun sira seluk "antes konsidera halo ka la'e sentru votasaun ida" la'ós iha Portugal ka Austrália.

"Objetivu maka hahú faze foun resenseamentu iha fulan-Maiu no hafoin ne'e desidi iha ne'ebé maka ita iha sentru votasaun", explika hosi Baris.

Ba dala uluk dezde Timor-Leste sai independente, ema timoroan sira ne'ebé hela iha Austrália ho Portugal bele vota iha eleisaun prezidensial sira iha loron 20 fulan-Marsu liubá.

Antes ne'e, votasaun úniku ne'ebé ema timoroan sira iha estranjeiru bele halo maka iha referendu loron 30 Agostu 1999, ka antes restaurasaun independénsia nian, labele partisipa iha asaun eleitoral ruma ne'ebé halo hahú tempu ne'ebá.

Iha eleisaun prezidensial sira iha ona eleitor na'in 886 ne'ebé maka halo resensiamentu hodi vota iha Austrália (na'in 228 iha Darwin no na'in 658 iha Sydney) no na'in 512 iha Lisboa.

SAPO TL ho Lusa
PARTILHAR

Author: verified_user

Publicação luso-timorense sem fins lucrativos

0 comentários: