sexta-feira, 28 de abril de 2017

Labele Uza 112 Fo Informasaun Falsu

PARTILHAR
DILI - Komandu Polisia Nasional Timor-Leste (PNTL) husu ba komunidade sira labele uza lina kontaktu Polsia emerjensia 112 hodi tolok no fo informasaun falsu.

Komandante Operasaun Nasional, Superientendente Xefe Polisia, Henrique da Costa husu ba komunidade sira diak liu uza telephone 112 fo informasaun neebe presiza tulun polisia, laos uza fali lina 112 hodi fo informasaun falsu polisia ka uza hodi tolok fali polisia nee lalos.

Ita nia maluk ka ita nia komunidade sira neebe uza telefone uza lina 112 enves de fo informasaun neebe presiza tulun polisia. Maibe, uza fali lina 112 hodi fo informasaun falsu no tolok polisia nee lalaos,” katak Henrique.

Tuir nia katak, lina 112 sei ativu fila fali iha tempu badak maibe antes nee sei prepara mos Cal ID atu nunee deteta komunidade sira neebe mak fo informasaun falsu hodi nunee supmete ba prosesu investigasaun.

Lina 112 durante nee lafunsi ona neebe ita nia hanoin ba oin nee lina 112 nee ita funsi ona fila fali para atente ba komunidade sira neebe mak atu fo informasaun ba autoridade polisia.

Tanba durante nee sira hakarak pasa informasaun ruma sira liga mai iha lina 112 lafunsi ona dalaruma sira liga lian hela depois sira dehan ami polisia mak laatende maibe lae.

Mesmu lian hela mais iha nee latama entaun nee inpaktu tebes ba ita nia komunidade sira neebe presiza polisia nia tulun.

Iha fatin hanesan Manajer Service Solution, Graciano Andre D.M dehan, kompania Telkomsel antes nee  iha ona koordenasaun maibe iha tempu tuir mai mak iha failansu nee duni iha biban nee sira hakarak atu koordena hamutuk atu nunee sira halo rehabilitasaun lina 112 atu nunee atende nesidade populasaun sira nia.

Nunee mos Komunidade Paulo do Santo dehan, lina 112 presiza ativu para komunidade sira bele fo infomasaun ruma kuandu iha problema ruma ka ema deskonesidu ruma ameasa komunide sira iha bairru ka aldeia sira bele pasa informasaun lalais ba polisia, tanba durante nee sira mos preokupa hela lina 112 neebe avaria.

“Ami hanoin lina 112 nee tenke funsiona fila fali para iha informasaun ruma ita tenke pasa informasaun ba polisia lalais,” dehan Paulo. Lucia Ximenes/Sonia Ferreira

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: