PLP FIAR AN SEI HETAN KADEIRA IHA PN

Partidu Libertasaun Popular (PLP), fiar an (garantia-red) katak eleisaun parlamentar mai nee, sei hetan kadeira iha Parlamento Nasional (PN).

“Maske partidu PLP partidu ne’ebe mak foun maibe ami nia estrutura estabelese ba to’o iha nivel aldeia tanba estrutura aldeia mak sei fo forsa ba partidu PLP,  bele servisu ho diak liu tan hodi habelar vizaun ho misaun partidu nian”hateten  Membru konsellu Presidente Deometro do Amaral de Carvalho ba jornalista sira iha Aldeia 1 de Setembro, Posto administrativu Vera Cruz, Munisipiu, Dili,   Sabado (22/4/17).

Parpol PLP hahu halo ona tomada de posse ba nia estrutura iha aldeia 9  hanesan aldeia  1 de Setembro, Mate Restu, Mate Moris, Matua, Lemorai, Virgolosa, Gideon, Nopen, ho Aldeia  Terus nain, hodi bele hametin estrutura iha Aldeia.

Deometri husu ba militantes hotu  hodi bele respeita ba partidu sira ne’ebe mak eziste ona iha suco vila verde, servisu makaas hodi bele kontribui kontribui Vitoria partidu PLP.

Nia mos hatutan , atu garante partidu PLP hodi representa povu iha uma fukun parlamentu nasional  parpol tenke servisu makaas hodi halibur miltante no organiza nia militante hodi dezemvolve programa, militante parpol PLP prepara aan hodi bele hasoru eleisaun parlamentar.

“Se povu fo fiar  duni ami sei halo mudansa ba situasaun injustisa ne’ebe mosu iha Timor leste (TL),moris diak iha dejeju bo’ot parpol PLP hakarak halibur fila fali forsa popular tomak iha jornada foun”, katak nia.

Entretantu, wainhira atu sai forsa politika ne’ebe determina balansu iha TL, partidu PLP oras ne’e dadauk fokus prinsipal hodi  halibur forsa dezemvolve estrura iha baze, wainhira atu hetan asentu iha meja parlamentar baze tenke forte PLP bele manan tanba partidu PLP nia prinsipiu politika voa Governasaun kontratu polika ne’ebe PLP sei halo ba nia kuadtru hotu wainhira asumi ba kargu publiku sei halo deklasaun ba publiku konaba riku soin antes no depois kaer kna’ar iha  publiku.

Iha fatin hanesan Coordenador patidu PLP Postu Administrativu Vera Cruz Sipriano Amaro da Silva dehan, Partidu PLP fo tomada deposse ba estrutura nivel  Aldeia hodi bele transmite politika patidu nian.

“Hau la garantia ba iha mayoria iha timor laran maibe iha postu vera cruz suco vila verde hau garantia katak elpar oin mai sei manan iha suco ida ne’e”katak nia.

Tanba ne’e wainhira prepara estrutura iha nivel aldeia ema ida bele lori militante nain 5 to’o 10, oinsa mak militante sira  bele rona vizaun ho misaun politika PLP.ety

Jornal Nacional Diário