sexta-feira, 28 de abril de 2017

PN-Governu La Partisipa Pose PTR-PJR

PARTILHAR
DILI – Membru Parlamentu Nasional no Primeiru Ministru la partisipa iha tomada de pose Prezidente Tribunal Rekursu foun no estende mandatu Prokuradoria Jeral Republika, neebe dereitamente simu pose husi Prezidenti Republika Taur Matan Ruak iha Palacio Prezidenti Nicolao Lobato Aitarak Laran, Sesta (28/04/2017).

Prezidenti Republika Taur Matan Ruak Sesta (28/04/2017) ofisialmente fo tomada de pose ba Prezidenti Tribunal Rekursu foun Juiz Deolindo dos Santos, hodi subtitui PTR sesante Guilermino da Silva ho mandatu husi 2017 ate 2022, alende nee Prezidenti Republika mos kontinua extende Prokurador Jeral Republika Jose Ximenes, liu husi tomada de pose ho mandatu 2017 ate 2021.

Marka prezensa iha seremonia tomada de pose nee, Ministru Admistrasaun Estatal Dionisio Babo, Ministru Justica Ivo Valenti, Maior Jeneral Falintil–FDTL Major Jeneral Lere Anan Timur, Komandante Jeral PNTL Komisariu Polisia Julio Hornay, Ministeiru Publiku, Juis no konvidadus seluk, maibe la marka prezensa iha seremonia nee mak Membru no estrutura husi Parlamentu Nasional (PN) inklui Primeiru Ministru Rui Maria de Araujo.

Relasiona ho PM neebe la marka prezensa, Ministru Koordenador Asuntu Justica e Ministru admistrasaun Estatal Dionesio Babo hatete, Primeiru Ministru lahola parte iha seremonia tomada de pose PTR no PJR ho rajaun, tamba Primeiru Ministru preokupa ho aktividade servisu nunee la partisipa seremonia tomada de pose.

Primeiru Ministru la partisipa tamba iha aktividade seluk,” dehan Ministru Admistrasaun Estatal Dionisio ba Jornalista sira, hafoin remata partisipa tomada de pose PTR no PJR iha Palacio Prezidenti Nicolao Lobato Aitrak laran, Sesta (28/04/2017).

Nia hatutan liu tan katak, Relasiona ho tomada de pose PTR no PJR antes nee iha ona inkontru regulares entre parte Guvernu ho Prezidenti Republika, nunee Guvernu la tau kanuru tohar tamba atu dezenvolve seitor Justica.

Iha fatin hanesan, Ministru Justica Ivo Valente mos hatete nia rasik lahatene rajaun klaru Primeiru Ministru, la partisipa maibe Ivo Valente rasik konsidera katak ninia prezensa hanesan mos Guvernu ona. Domingos Piedade/Natalino Belo/Natalino Costa

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: