quarta-feira, 26 de abril de 2017

POLIMIKA NOMEISAUN PTR NO PJR…!!!

PARTILHAR
Jornal Nacional Diário | editorial

Nomeiasaun Presidente Tribunal Rekursu (PTR) no Prokurador Jeral da Republika (PJR) sai polimika iha Parlamento Nasional, hafoin Presidente Tribunal Rekursu, Guilhermino apresanta karta rezignasaun ba Taur Matan Ruak tamba problema saude.

Nomeiasaun ba Prezidente Tribunal Rekursu no Prokurador Jeral da Republika nee kompetensia Prezidente Republika nian tuir mandatu konstituisaun artigu 86 ( kompetensia kona-ba orgaun seluk iha alena i) foti Prezidente Tribunal Supremo Justisa no fo poses ba Prezidente Tribunal Superior Administrativu, Fiskal no kontas nian,  no alenia k) foti Prokuradór-Jerál Repúblika nian hodi hala’o knaar iha tinan ha’at nia laran; l) Foti no hasai Adjuntu Prokuradór-Jerál Repúblika nian sira tuir termu sira No.6. artigu 133 nian. Los duni, Prezidente Republika, Taur Matan Ruak  iha direitu konstitusional hodi nomeia Prezidente Tribunal Rekursu no Prokurador Jeral da Republika maibe problema mak mandatu Presidente Republika Taur Matan Ruak nee hela deit loron hirak atu husik kadeira numeru um iha Timor Leste nee. Agora laiha lei ida mak bandu Presidente Republika atu labele foti desizaun politika ruma iha tempo hanesan Presdiente Republika sesante, sa tan mandatu Presidente Tribunal Rekursu sei too Marsu tinan 2018.

Deputado sira iha parlamento Nasional hakarak Prezidente Republika eleitu, Francisco Guterres ‘Lu-Olo’ mak nomeia Prezidente Tribunal Rekursu no Prokurador Jeral da Republika, razaun madantu Prezidente Republika, Taur Matan Ruak besik remata ona.

“Situasaun ida ne’e ami hanoin katak, so Xefi Estadu foun mak bele nomeia, agora iha periodu ida ne’e, karik di’ak liu para iha viklu ba legal aban bainrua kuandu akontese buat ruma iha dalan ba magistradu na’in rua ne’e, Xefi Estadu foun bele iha poder atu bele hasai desizaun ruma,”Francisco Branco.

Nunee mos, Prezidenti Komisaun A, ne’ebé trata asuntu leis no poder local, Carmelita Moniz mós dehan, durante ne’e, inspesaun ba magistratura judisial foin mak dala ida. Tan nee sujere, nomeia de’it interino ida hodi substitui Prezidenti Tribunal Rekursu.

Laiha duvida, Prezidente Republika eleitu, Lu-olo mos karik iha ema reserva atu sai Prezidente Tribunal Rekursu no Prokurador Jeral Republika atu nunee bele rona saida mak Prezidente Republika ninia hanoin no hakarak wainhira presiza ruma. Agora Juiz atu troka Prezidente Tribunal Rekursu Guilhermino da Silva nee iha ka lae? ohin loron nee iha juiz nain tolu ka hat hanesan nee mak priensia rekezitus hodi sai Prezidente Tribunal Rekursu, Juiz Natercia Gusmão, Duarte Tilman no juiz Eduardo nebe ohin loron iha prosesu avaliasaun.

Prezidente Republika, Taur Matan Ruak mak nomeia Prezidente Tribunal Rekursu mos la kontra lei maibe nomeia deit atu kompleta fulan hirak deit mos imposibel atu halao servisu ho diak. Tan nee, diak hili deit Prezidente Tribunal rekursu hodi kompleta restu mandatu nebe iha atu nunee fo tempo Prezidente Republika foun mai ‘Lu-Olo’ bele hili interino sai difinitivu ou bele hili Prezidente Tribunal Rekursu foun. Klaru katak Prezidente Republika foun mai hakarak ema nebe nia fiar hodi kaer orgaun judisiariu, li-liu Tribunal Rekursu no Prokuradoria Jerald a Republika atu nunee bele iha loyalidade.*
PARTILHAR

Author: verified_user

Publicação luso-timorense sem fins lucrativos

0 comentários: