terça-feira, 30 de maio de 2017

20 Junu Kampania Elpar Hahu, Termina 19 Jullu

PARTILHAR
DILI – Iha tempu badak povu Timor Leste sei hasoru festa demokrasia liu husi Eleisaun Parlamentar (Elpar), hodi hili partidu politik, governasaun no povu ida nee durante tinan lima mai.

Tuir Vise Prezidente CNE, Duarte Tilman katak, antes partidu politik sira tama ba atividade kampania, sira hotu tenke aprezenta lista kandidatura ba Tribunal Rekursu (TR), data terminasaun iha dia 1 Junu nee.

Tuir orariu dia 20 de Junu kampania komesa ho termina iha dia 19 de Jullu,” dehan Vise Prezidente CNE, Duarte ba jornalista sira hafoin remata partisipa workshop iha Salaun HAK, Farol-Dili, Tersa (30/05/2017).

Duarte haktuir, tuir lei partidu politik katak, loron lima antes kampania tenke hatama sira nia kalendariu ka orariu kampania atu CNE bele aprova, ketak balun soke malu karik, presiza muda atu, nunee labele tau enkauza ka risku ba militante sira.

Husu konaba krime eleitoral, Duarte dehan, krime eleitoral nee lei regula iha artigu 229 too iha artigu 242 iha kodigu penal, aumenta tan artigu 50, B iha lei numeru 9, 2017, 5 de Maiu konaba eleisaun parlamentar.

Iha fatin ketak, Sekretariu Jeral Partidu UNDERTIM, Francisco Guterres “Manu Boi” hatete katak, partidu UNDERTIM hanesan forsa politika ida iha Timor Leste prontu atu kumpri regra CNE nian. Raimundo S. Fraga

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: