terça-feira, 30 de maio de 2017

Media Importante Iha Konstrusaun Estadu

PARTILHAR
DILI – Demokrasia iha nasaun ida atu lao diak presiza iha kontribuisaun husi media. Tanba liu husi servisu media mak bele divulga informasaun ba publiku konaba prosesu konstrusaun estadu.

Tuir Dekanu Fakuldade Direitu-UNDIL, Justino Sopalo Ximenes katak, media pilar importante tebes iha prosesu konstrusaun estadu mos kontrusau governasaun.

Tuir hau nia hanoin media nee parte ida neebe mak esensial tebes ba iha konstrusaun estadu mos ba iha konstrusaun Governu ninia,” dehan Justino ba STL iha nia knar fatin Kampus-UNDIL, Marcarinhas-Dili, Tersa (30/05/2017).

Justino haktuir, se laiha partisipasaun media mak desiminasaun informasaun ba sosiedade sei fraku, sosializasaun mos sei fraku, informasaun atu sirkula ba ema tomak mos sei fraku. Justino sublina, jornalista bele distribui informasaun barak konaba prosesu konstrusaun estadu, maibe tenke ho kuidadu, se kontra regra ruma tenke kondena, se dehan labele kondena, nee lalos.

Iha fatin ketak, Peskizador Lao Hamutuk, Juvinal Dias dehan, demokrasia iha nasaun ida hanesan Timor Leste atu lao ho diak media iha papel importante hanesan kontrolo social.

Entertantu, Jurista Timor Oan, Manuel Tilman dehan, jornalista iha liberdade total, maibe responsabilidade mos absoluta katak jornalista iha ninia atividade profisional hodi transmite informasaun ba publiku. Raimundo S. Fraga

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: