terça-feira, 30 de maio de 2017

PM timoroan husu ba Tribunal Díli hodi la kondena jornalista sira ba kastigu kadeia

PARTILHAR
Primeiru-ministru timoroan hakerek ona ba Tribunal Díli hodi defende katak jornalista na'in rua ne'ebé hetan akuzasaun tanba "publikasaun falsu" hosi artigu ida kona-ba xefe Governu atu labele hetan kondenasaun ba kastigu kadeia nian, hanesan hato'o hosi prokuradoria.

"Ha'u konsidera katak, tanba restabelese koresaun ba faktu sira (…), arguidu sira labele hetan kondenasaun ho kastigu kadeia nian tuir proposta hosi Ministériu Públiku", defende hosi Rui Maria de Araújo iha karta ne'ebé hakerek iha loron-tersa ne'e no ne'ebé maka Lusa iha asesu.

Karta, ne'ebé haruka ba juiza ida hosi Tribunal no ho koñesimentu hosi prokuradora Lídia Soares, refere ba kazu hosi jornalista na'in rua ne'ebé maka hetan ona akuzasaun hosi Ministériu Públiku hosi krimi "publikasaun falsu" hosi artigu ne'ebé fó sai iha fulan-Novembru tinan liubá ne'ebé relasionadu ho xefe Governu.

Iha alegasaun ikus sira hosi kazu, iha Tribunal Díli nian, prokurador sira husu mós kastigu ida ba prizaun efetivu tinan ida ba autor artigu nian, Raimundos Oki, no kastigu kadeia tinan ida, suspensaun ba tinan rua, ba eis-editor hosi jornal Timor Post Lourenço Martins.

Karta ne'e to'o iha loron-tersa ne'e iha Tribunal Díli nian antes oras 48 hosi audiénsia ne'ebé maka previstu ba leitura kastigu nian hosi kazu ne'ebé hamosu kampaña sira solidariedade nian ba jornalista timoroan sira nian no hosi organizasaun internasional sira hosi jornalista sira.

Primeiru-ministru informa mós katak abdika ona hosi direitu ruma ba indemnizasaun iha prosesu ne'e.


Rui Araújo, ne'ebé hatete ona ba Lusa katak "bainhira hanesan juíz sei la aplika kastigu ida hanesan ne'e", explika iha karta katak hanesan ema ne'ebé vítima hosi kazu ne'e "konsidera katak estabelese ona nia dignidade pesoal bainhira arguidu sira mai, iha audiénsia, deklara falsidade hosi faktu sira ne'ebé sira hatete kona-ba nia no klarifika razaun tansá maka publika faktu sira ne'e".

Repete fali katak hatete ona ba tribunal hanesan vítima, Rui Araújo konsidera katak pedidu deskulpa ne'ebé jornal publika ona la to'o tanba estraga sira ne'ebé maka artigu hamosu ba nia imajen no hanesan oportunu, iha tribunal, deskobre no esklarese ba públiku kona-ba tansá maka publika artigu ne'e.

Jornalista na'in rua ne'e hetan akuzasaun ho baze hosi artigu 285 hosi Kódigu Penal timoroan nian, ne'ebé hatete sei kastigu to'o tinan tolu no multa ba ema ne'ebé maka "hosi dalan ruma, perante autoridade ka iha públiku, ho konsiénsia kona-ba falsidade hodi atribui, kesar ka lansa suspeitu ba asaun krimi ida kona-ba ema balun, ho intensaun atu hamosu prosedimentu kriminal kona-ba ema ne'e".

Prosesu refere ba kazu ida ne'ebé hahú ho publikasaun, iha loron 10 Novembru, hosi artigu ida iha diáriu Timor Post ho títulu: "Deskonfia katak eis-asesor ida hosi Ministériu Finansa entrega ona projetu ida ba empreza indonézia ida".

Artigu ne'e inklui sala faktual sira, inklui naran empreza ne'ebé la loos, no aspetu sira seluk ne'ebé maka jornal koriji ona iha loron tuirmai.

Iha deklarasaun sira ba Lusa, Oki insisti iha nia inosénsia, deklara katak prepara atu kumpri desizaun ruma hosi tribunal no afirma ona, antes le kastigu, previstu ba loron 01 Juñu, katak momentu ne'e la hanoin atu halo apelu.

"Sidadaun tomak hanesan iha lei nia oin. Tanba ne'e desizaun ruma hosi Tribunal, ha'u rasik no nu'udar jornalista sei kumpri. Ha'u rasik lakohi halo rekursu. Di'ak liu kumpri", nia hatete.

Konsidera katak responsabilidade ba artigu la'ós de'it ba nia, maibé mós ba nia superior sira iha jornal ne'ebé publika, Oki hatete katak nia tenta ona dalabarak, lahó susesu, hodi hetan reasaun ida hosi primeiru-ministru.

Maski admiti "sala" iha naran empreza ne'ebé hatete iha artigu, nia mantén katak "ohin loron sei hakerek fali notísia".

Iha akuzasaun, Ministériu Públiku konsidera katak Raimundos Oki "hafoin hetan tiha informasaun, la verifika faktu loos kona-ba informasaun no la konfronta ho vítima, hodi hetan nia versaun ba faktu sira ne'e".

Akuzasaun konsidera katak arguidu na'in rua "la hatene katak notísia hanesan falsu" no katak ho publikasaun "vítima sai sujeitu ba prosesu ida investigasaun kriminal nian, tanba deskonfia halo asaun krimi sira bainhira halo knaar iha funsaun públiku sira".

SAPO TL ho Lusa
PARTILHAR

Author: verified_user

Publicação luso-timorense sem fins lucrativos

0 comentários: