quarta-feira, 31 de maio de 2017

Problema Estudante Lahatene Portugues, Menus Seriedade Implementasaun

PARTILHAR
DILI – Too oras nee estudante barak seidauk hatene lingua portugues, tanba sei menus seridade implementasaun, tanba nee lingua portugues presiza dezenvolve ho seriu.

Tuir Prezidente Parlamentu Nasional Aderito Hugo da Costa hatete, haree ba oras nee dadaun estudante barak seidauk hatene diak lingua portugues ida nee presiza atu identifika problema nee iha neebe, tanba nee husu Ministeriu Edukasaun (ME) atu identifika problema nee hun los iha neebe mak too agora estudante sira seidauk hatene diak lingua portuguesa, tanba nee tenke identifika problema depois mak bele buka solusaun, se liah identifikasaun hodi hatene problema mak solusaun sei laiha.

Hanesan ohin hau dehan ona, problema iha ita nia seriedade, menus konsistensia no menus de persistensia, para depois desizaun neebe define ona iha konstituisaun nee bele atualiza iha pratika, labele hakerek deit iha konstituisaun sem iha estasaun konkreta i seriu,” katak Prezidente PN ba jornalista Tersa (30/05/2017) iha Parlamentu Nasional.

Nia hatete, haree ba tempu Indonezia kuandu okupa Timor tama too suku no aldeia iha tempu badak deit hanesan tinan 4 maioria Timor oan bele koalia bahasa Indonezia. Haree ba kestaun ida nee laos iha osan, maibe kestaun de planu, tanba bele fo atensaun ba orsamentu, maibe importante liu mak planu, se sem planu konkreta no justifikasaun klaru parlamentu labele aumnta osan ba setor edukasaun nian.

Entretantu Dirertor Jeral Servisu Kooperativus Ministeriu Edukasaun Antoninho Pires hatete, haree ba oras nee dadaun estudante barak seidauk hatene koalia lingua portugues, los, duni, maibe ida nee mos presiza estudante ida-idak atu esforsu aan oinsa atu dezenvolve nia aan, tanba profesores sira bele hanorin diak, maibe seridade husi estudante sira laiha ida nee mos sai problema. Guilhermina Franco /Jacinta Sequeira

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: