Salariu Dignu, Ema Moris Saudavel

DILI - Reprezentante Juventude Suku Bebonuk, Postu Administrativu, Don Aleixo, Munisipiu Dili  hakarak sujere ba governu atu fo salariu minimu ba trabalhadores ho dignu. Tanba salariu dignu ema bele moris saudavel.

Lia-hirak nee hatoo husi Antonio Piedade de Deus Reprejentante Juventude Suku Bebonuk ba STL iha Sede Suku Komoro, Tersa (30/5/2017).

Tuir Antonio katak, realidade neebe hatoo husi organizasaun sosiedades sivil kualia katak salariu dignu, moris dignu entaun konserteza saude mos dignu taba nee mak presiza haree didiak atu muda.

Tuir lei trabalhadores neebe realisa ona husi governu dehan salariu minimu ba ema trabalhadores sira loron ida husi U$ 3.00 hasae ba U$ 5.00 kada loron. Nunee, salariu ba fulan ida U$ 1.15.00 ida nee tuir trabalhadores sira nia haree katak sedauk sufsiente atu resposta ba sira nia nesesidade familia.

Hau sente, lei salariu minimu neebe governu implementa ona katak ba trabalhadores sira uluk servisu loron ida hetan perdiam U$ 3.00 hasae ba U$ 5.00 no mos salariu ba fulan ida U$ 1.15.00. Ida nee hau hare sedauk responde ba nesesidades familiar ami nian,”katak nia.

Nunee mos katak, Antonio, moris iha uma kain laos haree deit han-hemu, maibe responde mos ba kultura ou ema dehan feto san umane. Tanba nee sujere ba governu presiza atu halo mudanasa ba salariu minimu husi $ 1.15.00 sae ba U$ 200.00 kada fulan, sente ida nee bele ona responde nesesidade moris.

Nunee mos, Sekertariu Geral Konfederasaun Sindikatu Timor-Leste (KSTL), Jose Conceicao da Costa rekuinese, salariu minimu neebe governu implementa ona liu husi SEFPOPE kada fulan U$ 1.15.00 nee lasufsiente duni atu responde nesesidades familiar uma laran. Tanba nee foin lais nee sindikatu hato ona ba governu atu halo mudansa ba salariu minimu neebe implementa ona.

Maibe realidade sedauk halo mudansa durante besik tinan haat ona. Maibe tuir proposta neebe sindikatu halo atu hasae ba $ 150 t0o $ 200.00 kada fulan maibe ida nee governu sei haree. Tanba buat neebe sindikatu luta makas mak ema sidadaun tenki moris dignu, servisu ho dignu no moris dignu ba ema hotu.

Maske nunee tuir KSTL nia haree ate agora tinan tolu resin ona  sedauk iha mudansa ba salariu minimu. Maibe KSTL sempre luta nafatin ba dignidade trabalhu nian mak trabalhu dignu.

Salariu dignu no moris dignu tanba bazeia ba kondisaun real neebe iha Timor oras nee dadaun katak vida moris karun oinsa mak bele hadia nia saude no nia familia.

Antes nee, Parte Igreja Katolika liu husi Kongregasaun Canosiana Me. Gulhermina Marcal dehan, los duni oinsa  ema bele halo mudansa ba nia moris no nia familia uma laran tanba ho deit salariu neebe governu implementa minimu teb-tebes. Agora salariu minimu $ 1.15.00 ida nee sedauk responde ba familia uma laran. Justinho Manuel

Suara Timor Lorosae