quarta-feira, 31 de maio de 2017

Sosiedade Sivil TL Konsolida Ajenda Direitus Umanus Iha Elpar

DILI – Sosiedade sivil iha Timor Leste kompostu husi Judicial System Monitoring Programme (JSMP), Asosiasaun HAK servisu hamutuk Forum-Asia organiza workshop ho tema Direitus Umanus no Konsolida OSC, hodi avansa ajenda direitus ba eleisaun parlamentar 2017.

Tuir Diretor Asosiasaun HAK, Manuel Monteiro katak, atividade workshop nee importante tebes ba sosiedade sivil sira, atu bele konsolida ajena sireitus umanus iha eleisaun parlamentar.

Objetivu husi workshop nee atu dezenvolve, formula no konsolida ajenda konaba direitus umanus entre sosieae sivil Timor Leste,” dehan Manuel ba jornalista sira hafoin remata workshop iha Salaun HAK, Farol-Dili, Tersa (30/05/2017).

Manuel haktuir, husi atividade nee sosiedade sivil sira atu bele haree, durante tinan lima ba kotuk nee saida mak halo ona, saida mak seidauk dezenvolve diak I saida mak sai obstaklu boot iha prosesu dezenvolvimentu.

Iha fatin ketak, Reprezentante PDHJ, Horacio Almeida dehan, workshop ida nee importante tebtebes tanba koalia konaba eleisaun parlamentar ninian neebe mak sei akontese iha fulan oin mai.

Entertantu, Reprezentante Forum Asia, Daywin Prayogo dehan, nia apresia tebes ba atividade worshop neebe realiza husi sosiedade sivil Timor Leste neebe hamutuk hodi realiza atividade nee, hatudu pasu positivu iha. Raimundo S. Fraga

Suara Timor Lorosae

Sem comentários: