Timor-Leste
halo nafatin esforsu "signifikativu sira" hodi kombate tráfiku ema
nian maibé seidauk kumpri padraun mínimu tomak hodi halakon problema, inklui
iha forma oinsá ko'alia ho vítima sira, haktuir hosi Departamentu Estadu
norte-amerikanu nian.
Tuir
relatóriu ida ne'ebé fó sai iha loron-kuarta katak destaka liuliu tanba
Timor-Leste halo ona deportasaun ba feto estranjeiru sanulu resin ne'ebé maka
hetan bainhira halo operasaun ba bordel sira ne'ebé maka la hetan tratamentu
adekuadu hanesan eventual vítima sira hosi tráfiku seksual nian.
"Autoridade
sira akuza ona vítima balun tráfiku nian ho violasaun ba imigrasaun nian no
prende ona sira nia pasaporte, kaer no halo deportasaun lahó triajen di'ak ba
feto estranjeiru sanulu resin ne'ebé karik bele sai hanesan vítima tráfiku
seksual bainhira serbisu iha estabelesimentu sira ne'ebé deskonfia halo
prostituisaun forsadu", refere hosi relatóriu.
"Serbisu
akollimentu ne'ebé maka Governu uluk depende ba protesaun vítima sira nian iha
parte barak hanesan labele fó akomodasaun adekuadu sira tanba laiha
fatin", hatutan hosi relatóriu ne'e.
Informasaun
sira ne'e halo parte hosi relatóriu anual kona-ba tráfiku ema sira nian ne'ebé
maka fó sai hosi Departamentu Estadu norte-amerikanu nian no ne'ebé analiza
progresu sira ne'ebé halo iha mundu tomak hodi kombate problema boot ne'e.
Iha
kapítulu ne'ebé refere ba Timor-Leste, relatóriu hatete mós katak "Governu
la hetan kondenasaun sira tanba krimi sira tráfiku nian" no katak nasaun
"la kumpri padraun mínimu tomak hodi halakon tráfiku".
Textu
haree ba "esforsu maka'as hosi Governu", ho aumentu ida iha númeru
hosi investigasaun sira no prosesu judisial sira iha kazu sira tráfiku nian,
promulgasaun hosi lejislasaun kontra tráfiku, formasaun iha aplikasaun ba lei
no fortalesimentu hosi kapasidade sosiedade sivil nian hodi hasoru ho problema
sira hosi área ne'e.
Maibé,
textu haree ba falta "padraun operasional sira" inklui iha prosesu
adekuadu ba identifikasaun hosi vítima sira.
Relatóriu
rekomenda aumenta ba finansiamentu ba ajénsia sira ne'ebé aplika lei,
konkluzaun hosi prosesu sira ne'ebé kastigu trafikante sira, "inklui
funsionáriu sira ne'ebé halo parte" no hametin esforsu sira "hodi
garanti katak sei la kaer vítima sira, sei la halo deportasaun ka kastigu sira
tanba asaun ne'ebé sira halo hanesan rezultadu diretu tanba halo parte iha
tráfiku".
Halo
funsiona, identifika vítima sira entre populasaun fraku sira - prostituta sira,
funsionáriu doméstiku sira, imigrante sira no traballador sira iha ró sira
peska nian - hanesan rekomendasaun sira seluk hosi relatóriu.
Relatóriu
nota katak iha tinan 2016 investiga ona kazu hamutuk 176 kona-ba tráfiku ema
nian, liu kazu 12 maka iha tinan anterior, no hahú ona prosesu hamutuk 16, liu
neen hosi tinan anterior, maibé laiha kondenasaun ruma.
Entre
vítima na'in 176 hosi tráfiku ne'ebé identifikadu, polísia timoroan konfirma
katak iha sidadaun xinés na'in 21.
SAPO
TL ho Lusa
Sem comentários:
Enviar um comentário