Falta Konsensia Komunidade, Malua Nakonu Lixu

DILI - Haree husi georafia Mota Malua besik Palacio Prezidente da Republika maibe kondisaun mota lamos, sempre nakonu ho lixu oinoin. Nee signifika katak komunidade sira neebe hela besik mota ninin ladauk iha konsensia ba lixu.

Ministru Estatal Deonizo Babo halo ona enkontru ho Prezidente Auturidade Munisipiu Dili inklui autoridade lokal kolia kona-ba jestaun lixu. Maibe realidade hatudu oin selukmomos iha area mota maloa komunidade balun kontinua soe lixu ba mota laran.

“Hau sente foer sira nee laos husi komunidade sira neebe hela besik mota mak soe deit, maibee foer sira nee barak mos mota lori husi mota ulun mak mai. Tanba kauza husi komunidade sira neebe hela iha leten neebe soe foer iha mota laran nee duni iha tempu udan bee sempre lori foer mai,” dehan Gaspar ba STL Iha Sede Suku Bairru-Pite, Seta (23/6/2017).

Tuir Gaspar katak, hakarak lixu iha Ponte Maloa laiha entaun dalan diak mak ita tenke muda kanu pembuangan iha tanki neba tanba hanesan nee foer iha komunidade nee ami avisu katak, foer tenke tau iha nia fatin ou tau iha karan tau iha estrada ibun atu nunee kareta raut foer mai foti tutuir. Maibe dalaruma komunidade laiha konsensia neebe diak atu kolabora hamutuk.

Dalarum toman komunidade soe foer hau nuudar autoridade sempre fo hanoin ba sira maibe sira responde dehan lei saida mak atu bele kondena sira neebe sira soe abontade deit. Dala ruma komunidade sira soe foeer iha tempu kalan tan nee mak kauza Mota Maloa sempre nakonu ho foer.

Iha fatin hanesan komunidade Bairru-Pite Luis Dos Santos dehan, ita koalia kona-ba foer namkari iha area Suku Bairru-Pite liuliu iha Mota Maloa foer sira nee mai husi Perumnas.

Ami iha okos iha nee ami reiniaun bebeik iha ami nia suku katak sira sei avisu hotu ba xefe aldeia sira maibe, ami komunidade nee iha autoridade local hanesan xefe aldeia sira ba koalia ba sira nia komunidade iha bairru. Maibe maluk komunidade balun dehan laiha lei ruma atu hatudu lolos ba sira katak bele foti dezisaun katak imi soe foer arbiru imi sei multa hanesan nee laiha,”katak Luis.

Maibe tuir nia, espera katak ba future karik iha mudansa, foer sei mos tanba nee, komunidade duni mak sente nia an katak, nia hela iha fatin ida tenke mos selae afeta moras ba sira nia saude no buat hot-hotu nee duni tenke hamos.

Tuir observasaun STL iha terenu hatudu katak, fatin lixu neebe establese husi governu sei menus, tanba nee komunidade kontinua uza Mota Maloa hanesan fatin soe lixu. Est-4

Suara Timor Lorosae