DILI
– Kampanha neebe halao husi partidu politikus 21, iha municipiu hotu lao
diak. Tanba forsa defeza Timor Leste, desloka ona iha postu 31, atu fo
seguransa.
Tuir
Brigaderu Jeneral Filomeno Paixao de Jesus katak, forsa kolokadu ona iha postu
neebe iha. Nunee sira prontu atua, no fo apoiu polisia iha diretiva politika
neebe governu hatun.
Hau
hasoru prezidente atu hato relatoriu atividade ami nian, no koalia liu, konaba
seguransa elesaun nee. Ami mos informa ba prezidente katak, forsa kolokadu ona
iha postu neebe iha, no sira prontu atu atua, ajuda fo apoiu polisia kuandu iha
diretiva politika neebe governu hatun. No iha 12 postu, aumenta tan 19 postu
nee ami iha, serka de 31 postu neebe espailhadu iha teritoriu timor leste,”
hateten Filomeno ba Jornalista sira bainhira remata nia enkontru ho Prezidente
Da Republika Francisco Guterres Lu-Olo Kuarta, (28/06/2017).
Salienta
tan, iha kampanha grau de amiasa nee normal, hanesan iha Prezidensial, maibe
laiha buat ida hatudu ameasa boot ruma. No iha informasaun neebe tama, buat
hotu lao diak no estabil.
Iha
fatin seluk, Akademika Martino Magno da Silva hateten, forsa sira tenke serviu
atu bele asegura pas. Tanba ho festa demokrasia, bele mos hamosu problema balu,
hodi fo ameasa ba povu. Terezinha De Deus
Suara
Timor Lorosae
Sem comentários:
Enviar um comentário