Delegasaun
ida hosi organizasaun kampunés timoroan sira agradese ona iha loron-tersa ne'e
ba Prezidente Timor-Leste nian ba promulgasaun hosi lei foun kona-ba rai no
husu ona atu akompaña prosesu implementasaun hosi diploma.
Iha
komunikadu, gabinete hosi Prezidente Francisco Guterres Lu-Olo explika ona
katak pedidu ne'e husik ona hosi delegasaun ida hosi Movimentu Kampunés
Timor-Leste nian (MOKATIL), integra hosi Movimentu Popular ba Reforma Agrária
(MPRA), Uniaun hos Agrikultor sira hosi Ermera (UNAER) ho Kdadalak Sulimutik
Institute (KSI).
Porta-vós
hosi MOKATIL, Alberto Martins Guterres, felisita ona promulgasaun hosi diploma
ne'e - hala'o hahú hosi inísiu fulan ne'e - no hatudu ona esperansa katak testu
tulun klarifika uzu hosi rai agríkola sira.
"Ami
hein katak lei ne'e bele fó fali direitu hosi agrikultor sira nian ba sira nia
plantasaun sira no ami sujere ba Prezidente hodi akompaña prosesu implementasaun
nian", nia explika tuir komunikadu hosi Prezidénsia.
Reprezentante
sira agrkultor nian husu mós ba xefe Estadu atu akompaña no estimula polítika
hosi Governu hodi "fortalese koñesimentu hosi agrikultor sira, aumenta
produtividade no hadi'a kualidade produsaun nian".
Delegasaun
apela ona ba Prezidente timoroan hodi garanti katak "subsídiu sira sei fó
diretamente ba agrikultór sira ba dezenvolvimentu hosi área agríkola hanesan
komponente ida hosi polítika diversifikasaun ekonomia nian".
Iha
enkontru, Lu-Olo explika ona katak lei foun "garanti asesu hosi sidadaun
sira ba rai, maibé nia hatutan katak hanesan importante kombate atu la husik
rai sira mamuk no hametin aproveitamentu maka'as hosi rai sira".
Xefe
Estadu hatete mós katak "konkorda ho kriasaun, hosi governu foun, ba
merkadu tradisional sira hodi promove produtu sira kualidade nian no aumenta
produsaun iha kordenasaun ho ministériu sira ne'ebé iha relasaun no garanti ona
atu akompaña di'ak liu ba implementasaun hosi rejimi jurídiku ba titularidade
sira rai nian".
Iha
inísiu fulan-Juñu, Lu-Olo promulga ona rejimi jurídiku ba titularidade rai
nian, hafoin Tribunal Rekursu la ko'alia kona-ba inkonstitusionalidade hosi
diploma ne'e.
Hafoin
susar iha tinan barak nia laran, Timor-Leste agora iha rejimi foun espesial ida
hodi defini titularidade ba sasán imóvel sira, importante hodi hahú defini
arkitektura kompleksa hosi pose ba rai iha nasaun ne'ebé konvive títulu sira
ne'ebé hetan hosi administrasaun oioin hosi uzu baibain sira nian.
Diploma
ne'e "hametin seguransa hosi populasaun, Estadu no hosi sira ne'ebé maka
iha direitu ba rai", Lu-Olo explika iha komunikadu.
Elementu
oioin hosi proposta lei nian hamosu polémika balun entre forsa sira ne'ebé iha
reprezentasaun iha parlamentu, liuliu kona-bá aspetu sira hanesan titularidade
hosi direitu sekundáriu sira ba rai ho propriedade.
Prosesu
komplikadu ida tanba iha impaktu hosi sistema oioin iha nasaun: direitu hosi
hábitu no tradisional, administrasaun kolonial portugeza nian, okupasaun
indonéziu, administrasaun tranzitóriu ONU nian no períudu pós-independénsia.
Entre
solusaun sira iha rekoñesimentu ba direitu anterior sira ne'ebé hetan liuhosi
validade "durante presedente administrasaun sira", kria mós figura
hosi "direitu informal sira hosi propriedade, hodi hadi'a injustisa sira
ne'ebé halo antes independénsia Timor-Leste nian tanba falta formalizasaun hosi
direitu sira".
Asesu
ba rai garanti liuhosi dalan rua: "liuhosi kriasaun ba Kadastru Nasional
ba Propriedade nian hodi permiti surjimentu ba merkadu ida sasán imóvel inan
seguru no transparente no ida seluk liuhosi klarifikasaun hosi sasán sira
ne'ebé pertense ba Estadu".
Diploma
haree mós ba kritériu sira hodi rezolve problema sira no prinsípiu hosi
kompensasaun bainhira ezisti "duplisidade direitu sira nian".
Lei
rekoñese mós propriedade komunitáriu no kria figura hosi zona sira ba protesaun
komunitáriu, aspetu sira ne'ebé sei estuda ho di'ak iha lejislasaun posterior.
Lei
aprova hosi Parlamentu haruka tiha ona ba Prezidente timoroan hodi halo
promulgasaun.
SAPO
TL ho Lusa
Sem comentários:
Enviar um comentário