Timor-Leste
bele benefisia ekilíbriu di'ak ida no artikulasaun entre sistema formal sira no
informal sira justisa nian, afirma hosi responsável hosi komisaun ida reforma
judisial nian iha loron-tersa ne'e.
"Ami
haree nafatin ba rezolusaun hosi konflitu sira hanesan polítika global ida no
hosi asesu ba justisa no la'ós de'it, hanesan haree tuir dalan klásiku, ba
de'it justisa Estadu nian", Jorge Graça, prezidente hosi Komisaun ba
Reforma Lejislativu no hosi Setór Justisa nian (CRL), ba Lusa.
Iha
Timor-Leste, populasaun liu 80% "halo dahuluk análize tuir dalan
tradisional sira ka dalan baibain hodi rezolve konflitu sira. Iha ne'e iha área
importante ida hodi konsidera", nia subliña.
Graça
hatete katak ne'e hanesan aspetu ida ne'ebé ko'alia nafatin iha ámbitu hosi
konsulta sira ne'ebé hala'o daudaun ba prosesu reforma nian iha Timor-Leste
ne'ebé justisa iha sosiedade timoroan iha "alternatividade ida hosi uza
meiu sira nian".
"Haree
ba justisa hanesan buat ne'ebé maka iha sosiedade iha mekanizmu oioin no ne'ebé
tribunal sira hanesan elementu fundamental hosi Estadu Direitu demokrátiku nian
maibé ne'ebé iha mós rezolusaun antigu ba konflitu sira iha komunidade sira nia
leet. Buat ne'ebé maka populasaun sira hanesan toman ona no dalabarak
uza", nia hatutan.
Jorge
Graça ko'alia ba Lusa bainhira hakotu ronda ida hosi debate sira ne'ebé CRL
promove, iha fulan ne'e, iha Díli, hodi analiza konkluzaun sira no
rekomendasaun sira ba reforma ne'ebé tenki aprezenta iha tempu badak ba
ezekutivu ne'ebé iha ona parte final mandatu nian.
Entre
tema sira iha análize, iha semana ne'e, iha mós ekilíbriu entre polítika hosi
"rezolusaun ba konflitu sira sentradu iha sosiedade, justisa
informal" no "polítika rezolusaun nian hosi konflitu sira sentradu
iha sosiedade, justisa formal".
Responsável
CRL nian explika ona katak hanesan importante halo "mapa ida hosi
juridisaun sira hodi rezolve konflitu sira iha komunidade sira, tuir kostume no
dalan tradisional sira" no identifika "pontu sira kontaktu nian,
relasaun sira ne'ebé iha ona" iha faze oioin hosi prosesu justisa nian,
hosi inkéritu ba julgamentu no ba kastigu sira.
"Ikusmai
ami sei estuda kona-ba kastigu sira, relasaun entre justisa punitivu ka justisa
restaurativu pratikadu no ne'ebé maka populasaun hakarak liu", nia hatete.
Hafoin
ne'e maka buka "artikula no harmoniza" kestaun sira ne'e, evita
"proibisaun ka vizaun sira ne'ebé formalista no estadual tebes",
maibé mós hanesan kontráriu, "vizaun hosi rejeisaun ba Estadu nia
knaar".
"Hanesan
líder tradisional ida hatete ona mai ha'u: di'ak tebes haree ba ita nia kostume
sira maibé mós komprende katak ita laiha nasaun lahó Estadu no lahó lei
nasional", nia afirma.
Ekipa
timoroan sira ne'ebé apoia hosi espesialista internasional sira halo ona dezde
tinan liubá konsulta oioin no debate sira relasionadu ho prosesu diagnóstiku
ida kona-ba Sistema Justisa Formal ho Informal.
Prosesu
diagnóstiku ne'e, iha faze oioin, inklui ekipa sira ne'ebé harii hosi membru
sira hosi Komisaun ba Reforma Lejislativu no hosi Setór Justisa nian (CRL),
investigador sira hosi Sentru Estudu Sosial sira hosi Universidade Coimbra nian
(CES) no kolaborador sira hosi Programa Monitorizasaun hosi Sistema Justisa
Timor-Leste nian (JSMP) no hosi organizasaun la'ós governu nian (ONG) Belun.
Jorge
Graça explika ona katak, bainhira hala'o serbisu sira ne'e, komisaun halo ona
kontaktu ho ema na'in 800 resin ne'ebé opiniaun sira, aleinde peskiza sira no
serbisu ne'ebé ho baze iha esperiénsia, permiti ona "kompara katak aspetu
sira hosi lejislasaun no hosi tribunal sira no hosi área justisa iha jeral
ne'ebé presiza atensaun ida ho sentidu reforma nian".
Nia
hatete katak CRL la'ós de'it defini programa reforma maibé sei "prepara
polítika ida no estratéjia ba reforma ne'ebé sei hanesan importante hodi
serbisu no desidi hosi Governu ne'ebé sei harii hosi eleisaun sira loron 22
Jullu nian".
Reforma
sei afeta iha lei sira ne'ebé hala'o daudaun no mós iha produsaun hosi diploma
foun sira, ho "tendénsia prinsipal ne'ebé identifikadu" no
rekomendasaun oioin ba Governu tuirmai.
Rekomendasaun
sira hakarak ajuda kria baze ida metin no lójika hodi harii polítika ida ne'ebé
efikaz liu iha área justisa, bele hodi "afirma Estadu direitu iha ambiente
hosi diversidade kultural no rekoñese direitu ba igualdade no diferensa",
haktuir CRL.
Koerénsia
lejislativu, simplifikadu hosi lei sira no adekuasaun ba realidade timoroan
nian hanesan "aspetu importante sira", liuliu haree ba lei
estruturante sira hanesan Kódigu Penal no Sivil, "importadu sira"
hosi sistema portugés, hatete Jorge Graça.
"To'o
ona tempu atu ita haree ba ita nia realidade no haree ba aspetu sira ne'ebé ita
tenki hadi'a. Ami identifika ona área oioin importante iha direitu penal
substantivu, iha Kódigu Penal no mós iha lei espesial sira ne'ebé maka ami bele
serbisu", nia hatete.
SAPO TL ho
Lusa
Sem comentários:
Enviar um comentário