quinta-feira, 29 de junho de 2017

Polisia Iha Dever Atu Kontrola Armas Brankas

PARTILHAR
DILI — Polisia Nasional Timor Leste (PNTL) iha dever atu kontrola no ezekuta lei arma brankas neebe iha ona. Tamba nee ba ema sidadaun sira neebe maka kontra lei arma brankas neebe iha ona maka husu ba polisia sira atu halo prosesa tuir lei neebe iha.

Lia fuan hirak nee hatoo husi Vise Diretor Komite 12 de Novembru Rogerio Castro da Cruz ba STL iha nia knar fatin Eix-Komarka Balide Dili Kuarta, (28/6/2017). Nia dehan tuir informasaun neebe iha katak akontese iha munisipiu sleuk mos dehan polisia kaer ema lori kilat no seluk tan nee polisia sira maka sei hare ba ida nee tamba nee sira nia servisu.

Tuir ami nia hare Lei armas branka iha ona. Maibe ida nee servisu masimu liu ita entrega ba seguransa hanesan Polisia Nasional Timor Leste (PNTL). Informasaun ou isu neebe iha katak iha ema sivil lori kilat iha Munisipiu Lospalos. Mais karik tebes husu ba seguransa atu prosesu tuir lei nebe mak iha ona,” nia dehan.

Tuir Diretor Ezikutivu HAK Manuel Monteiro katak, governu hamosu lei armas brankas nee iha mosu atu regula ema nia hahalok at, laos lei nee mosu atu regula fali sasan ida nee maka tenki hare didiak. Tamba sasan sira hanesan Kanata, tudik, diman, rama no sleuk tan.

Adjuntu Diretor Fundasaun Mahein Joao Almeida katak parte seguransa bele uja forsa no uja kilat nee bajeia ba rejimi juridiku nia relativu duni. Tuir lei No. 5/2017, 19 Abril, konaba rezime juridiku praktika artemarsiais no rituais armas brankas.  Justinho Manuel

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: