sexta-feira, 30 de junho de 2017

Presija fo Protesaun ba Konsumedores, AIFAESA Presija laboratoriu

PARTILHAR
DILI - Konsumidores presija hetan protesaun diak ba sira nia saude, tamba nee husu ba Aifaesa atu esforsu an didiak, atu bele fiskalija no halo espesaun ba ai-han nebe faan iha supermerkadu sira.

Lia fuan hirak nee hatoo husi Sekretariu Estadu Arte no Kultura Maria Isabel de Jesus Ximenes uainhira partesipa iha seminar loron ida no mos aniversariu Aifaesa ba dala ida, neebe halao iha Aula Ministeiru Solidaridade Sosial iha Kaikoli Dili Kinta, (29/06/2017).

Premeiru Ministru Rui Maria de Araojo maka delega hau mai atu loke seminar Aifaesa nian no halo aniversariu bad ala ida. Maibe hau atu dehan katak Aifaesa nia servisu nee importante atu bele halo nia fiskalijasaun, espesaun ba aktividades ekonomia, sanitariu no alimentar nian. Tamba ita nia konsumedores presiha iha protesaun atu diak ba sira nia saude,”nia dehan.

Kordenador Aifaesa Abilio Oliveira Serano dehan Aifaesa foin maka hari tinan ida maibe nia funsionamentu lolos nee iha Fevereiru foin lais nee. Servisu maka atu halo espesaun no fiskalijasaun ba aihan sira nebe faan iha merkadu no supermerkadu sira.  Aifaesa nia servisu halo ona espesaun ba lojas sira hamutuk 600-700.

Membru Parlamentu Nasional Florentina Smith dehan mos parabens ba Aifaesa nee tamba halo nia servisu nebe diak teb-tebes. Parlamentu mos sempre hare servisu Aifaesa nian durante nee. Maibe servisu ida nee lafasil maibe ho esforsu an makas sei bele diak liu tan.  Justinho Manuel

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: