domingo, 30 de julho de 2017

Fretilin Forma Governu, Laiha Negative Thinking 2005

PARTILHAR
DILI – Fretilin forma VII governu, laiha ona negative thinking, tanba agora Fretilin iha sentidu hakohak povu nia sentimentu, maibe parte igreza lainvolve tanba nivel politika.

Lia fuan hirak nee hatoo husi Padre Vigariu Evanjelizasaun, Juvito do Rego katak, agora dadaun Fretilin iha sentidu estadu ida neebe mak hakarak hakohak, respeita povu nia sentimentu, ida nee valor boot ida, neebe labele jeneraliza buat uluk iha tinan 2005 nian mai too 2017 nian, tanba iha buat barak muda tiha ona.

Fretilin ukun haree ba esperesia neebe mak akontese iha tinan 2005, hau laiha negative thinking, kona ba buat sira neebe mak liu ona, tanba hau hanoin durante tinan 10 sira aprende buat barak, i hau haree maneira komportamentu Alkatiri ho membru agora iha mudansa,” katak Pe Juvito ba STL hafoin remata Reflesaun ho Funsionariu STL Sabado (29/07/2017), Surikmas.


Nia hatete, kona ba atu forma VII governu nee husi igreza nia hakarak atu lider politiku sira, iha deit sentidu do estadu atu respeita povu no servi povu neebe hili sira. Tanba povu nia domin tomak fo ba partidu neebe mak manan maioria simples FRETILIN primeiru tuir CNRT, PLP, PD, Khunto neebe sira tenke iha sentidu estadu atu ukun, i tenke hakruuk ba povu hodi servisu tanba povu.

Aleinde nee mos kona ba igreza nia avaliasaun ikus ba iha Eleisaun Parlamentar, nia parte hatoo parabens ba povu tomak no lider parpol sira tanba akompana iha fulan ida, laiha asidente, mezmu iha situasaun balu partidu balu koalia makas hatun malu, maibe laiha reasaun partidu seluk nian no lakria situasaun neebe mak ladiak hodi halo ema seluk sai vitima. Guilhermina Franco / Joao Fatima

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: