segunda-feira, 31 de julho de 2017

FRETILIN–CNRT Koliga Asegura OJE

PARTILHAR
DILI - Akademika iha rai laran fo sira ninia opiniaun katak, bainhira partidu FRETILIN ho CNRT halo koligasaun, maka sei asegura estabilidade politika no Orsamentu Jeral Estadu.

Tuir Akademika Universidade UNDIL Francisco Mausoro hateten, Iha tinan 2012 iha partidu haat deit maka hetan asentu Parlamentar, maibe tinan ida nee iha partidu lima, agora hare ba koligasaun bele ka lae, posibilidade hotu hotu iha, tanba permeiru partidu mais votadu FRETILIN manan ho maioria simples, karik nee ba forma Governu sira sei ba ho Governu minoria Parlamenta.

FRETILIN manan ho maioria simples, karik nee ba for a Governu sira sei ba ho Governu minoria Parlamentu, entaun Governu minoria obriga partidu manan nain atu buka koliga, ida neebe maka diak teb tebes ba estabilidade maka koligasaun entre partidu FRETILIN ho CNRT ita hare iha purvolta 45 kadeira, ida nee asegura teb tebes Orsamentu Jeral Estadu,” Dehan Francisco ba STL, iha PN, Dili, Segunda (31/07/2017).


Nia dehan, Tuir observasaun  partidu rua nee ninia programa neebe maka hato iha tempu kampania lahanesan, agora oinsa sira atu kolia konaba fahe poder, ou sira atu kolia liu oinsa maka mudifika sira nia programa atu nunee aban bainrua labele repete sala hanesan iha Governu AMP no Bloku koligasaun.

Iha parte ketak membru ONG Ajar Inocensio Xavier hateten, Nia dehan Sosiadade Sivil nia espetativa katak, mesmu fira katak FRETILIN bele koliga ho CNRT, bele koliga ho PLP, bele koliga ho PLP no Khunto mais funsaun Parlamentu nian hanesan deputadu sira labele dehan koliga ona oposizaun iha PN ne ladiak nee sei afeita ba kualidade projtu sira, kualidade desizaun ruma sei laasegura povu, dehan Inocensio. Carme Ximenes/EST2

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: