Professor Laos Halo Aktu Violensia Hasoru Estudante

DILI – Knaar professor laos atu halo violensia hasoru estudante sira, maibe professor hanesan edukador ida neebe mak atu eduka estudante sira iha eskola.

Responsabel GAT husi eskola sekundariu jeral no 4 de setembru Balide, Sergio A.da Cruz, hatete, knar professor sira mai iha eskola atu eduka estudante sira, maibe nudar professor labele halo aktu violensia ba estudante sira.

Konaba karik violensia neebe mak hasoru ita nian estudante sira nee, it abele dehan fila-fali ba iha situasaun, karik professor ida  tenke prepara material, atu bele hanorin ita nian estudante sira, dala ruma ita nian estudante sira halo asaun ida neebe mak ladun diak, entaun bele komesa mosu violensia, maibe tuir lei nee labele, dala ruma ami duni estudante sira ho motor, depois kaer sira lori mai iha eskola, tanba iha eskola, ami mak sai hanesan inan aman nian fatin,” dehan  Sergio ba STL iha nian knar fatin Balide Dili, Kinta (27/07/2017).

Iha fatin hanesan Alexandre Belo, hanesan professor sosioloji, hatete, los duni sira simu orientasaun husi sira nia lideransa superior katak, professor sira nee hanesan transferensia koinesementu , tanba nee, laiha professor ida neebe nia intensaun rasik atu halo violensia  ba estudante sira, maibe dala ruma karakter estudante sira nian mak ladun diak iha eskola.

Entretantu Julio Guterres, hanesan professor teknolojia e multimedia hatete, hanoin durante nee iha sira nia eskola 4 de setembru, kuaze laiha violensia ida neebe mak mosu hasoru estudantes, maibe dala ruma professor hanorin deit, laos baku sira lae, maibe oinsa mak uza liafuan fo hanoin ba sira. Jacinta Sequeira/Guilhermina Franco

Suara Timor Lorosae