DILI –
Eis Prezidenti Indonesia Susilo Bambang Yudhoyono (SBY) deklara relasaun
Timor-Leste no Indonesia hanesan ezemplu ba mundu, tamba nasaun rua nee bele
ultrapasa iha tempu konflitu no nakfila sai amigo neebe diak.
Deklarasaun
nee SBY hatoo ba jornalista sira wainhira partisipa iha meza redonda klubu
Madrid neebe inisia husi Timor – Leste no hetan partisipasaun husi eis
prezidenti, eis Primeiru ministru, akademika (Expert), peskijador, husi Asia no
Ocenia durante loron rua neebe halao iha salaun inkontru MNEK Pantai Kelapa
Dili, Segunda (31/07/2017).
Indonesia
no Timor-leste sai ezemplu ba mundu tamba relasaun bilateral neebe diak tebes
durante nee,” dehan SBY.
Nia
hatutan, Relasaun nee inisia kedas wainhira SBY sei kaer pasta nuudar
Prezidenti Indonesia nunee hamutuk ho Lidera Timor-Leste hanesan Xanana Gusmao,
Ramos Horta, Mari Alkatiri inklui Eis prezidenti Taur Matan Ruak.
Obrigadu
wain tamba hau iha kolega hanesan Xanana Gusmao, Mari Alkatiri, Taur Matan Ruak
no Fransisco Gutteres Luolo neebe kuida tebes relasaun durante tinan 10 hau nia
mandatu nuudar Prezidenti, Ami hakarak nasaun rua hateke ba futuru no pasadu
hanesan parte istoria,” deklara SBY.
SBY
reafirma liu tan, Inportante ba futuru nasaun rua nafatin hametin relasaun
kolega nunee Timor-Leste bele dezenvolve aan nuudar nasaun neebe livre, iha nia
soberania no dezenvolve povu nunee mos Indonesia.
Iha
fatin seluk observador Politika Matias Boavida, wainhira STL halo konfrimasaun
via telemovel hatete katak de facto relasaun Indonesia ho Timor Leste iha hahu
kedas inisiativa neebe mai husi eis Prezidente Republika no eis Primeiro
Ministru KaY Rala Xanana Gusmao lidera nasaun Timor Leste hodi halo
rekonsiliasaun hahu husi CHVR no komisaun verdade no amizade (CVA), rejultadu
hirak nee mak too iha ohin loron amizade ida neebe mak diak tebes hodi kria
relasaun neebe mak diak ho Timor Leste. Natalino Belo/Domingos Piedade
Suara
Timor Lorosae
Sem comentários:
Enviar um comentário