Tersa, Tribunal Rekursu Hasai Desijaun Final

DILI – Tuir artigu 50 lei eleisaun parlamentar nian, Tribunal Rekursu sei halo verifikasaun no foti desijaun iha prazu loron tolu nia laran durante 72 horas (red –Tersa) sei foti desijaun final ba apuramentu nasional husi CNE.

Deklarasaun nee, fo sai husi Prezidente Tribunal Rekurusu, Deolindo dos Santos ba jornalista sira, iha edifisiu Tribunal Rekursu, hafoin CNE entrega akta apuramentu nasional ba Tribunal Rekursu, Caicoli, Sabado (29/07/2017).

Deklarsaun prezidente CNE ho nia ekipa tomak dehan katak la iha rekursu ka reklamasaun ruma durante parazu tuir lei neebemak estabelese no tuir lei eleisaun parlamentar nee Tribunal Rekurusu iha 72 nia laran atu foti desijaun,”dehan Deolindo.

Tuir Prezidente Tribunal Rekursu, Deolindo dos Santos katak CNE halo apuramentu nasional durante 72 horas no CNE mos finaliza loron ida liu ba no fiksa iha sede CNE nian ho prazu 48 horas no oras nee dadaun iha ona Tribunal Rekursu. Tamba nee, tama ona ba kompetenisia Tribunal Rekursu atu hare ida nee.

Nia hatutan, se karik iha rekursu no reklamasaun seluk iha prazu seluk maibe tuir rejultadu apuramentu nasional neebe mak CNE aprezenta ba Tribunal Rekurusu la iha rekursu ruma husi Parpol neebe mak iha interese ba prosesu nee.

Iha fatin hanesan, Prezidente CNE, Alcino Barris katak Comisaun Nasional das Elisoens lori no trasporta material sensitivu 72 horas komisaun nasional das eleisoens tuir atribuisaun kompetensia da lei numeru 9/2016. Domingos da Piedade Freitas

Suara Timor Lorosae