DILI
– Ministeriu Edukasaun (ME), husu ba estudante sira atu labele uza sala
teknojia hanesan facebook, maibe oinsa uza teknolojia ba buat
neebe mak atu fo benifisiu ba sira nia aan.
Tuir
Diretor Jeral husi ME, Antoninho Pires dehan, too ohin loron media eletronik ou
teknolojia sira agora akonsela ba hotu, atu bele uza teknolojia ida nee, ba
nesesidade produtiva, ou ba nesesidade ida neebe bele hetan valor ou hetan
kondisaun ba ema ida-idak.
“Too
ohin loron media eletronik ou teknolojia sira nee agora ita akonsela ba
hotu-hotu, para atu bele uza teknolojia ida nee ba nesesidade produtiva ninia,
ou ba nesesidade ida neebe bele hetan valor ou hetan kondisaun ba ita nian aa,
se uza sala mos nee depende ba ita ida-idak nian aan, maibe ita akonsela ba
hotu-hotu, bainhira uza teknolojia ida nee tuir ninia dalan, no bele hetan
benifisiu liu husi ida nee, tanba ohin loron ita labele taka, tanba ita hatene
katak, mundu ohin loron hanesan daun marungi ida,” dehan DJ ME Antoninho ba STL
iha nian knar fatin foin lalais nee.
Nia
hetete, depende ba moral, kultural, diak liu ba estudante sira, aproveita ida
nee hodi bele hetan koinesementu ou atu bele hetan abilidade, maibe labele uza
fali ba buat sira neebe mak la fo vantajen ba sira nia aan.
Iha
parte seluk, Diretor edukasaun Munisipiu Dili, Duarte Braganca dehan, facebook
nee ema hotu bele uza, maibe atu uza los ou sala depende ema ida-idak
nian aan, husu ba estudante sira labele lakon tempu ba teknolojia sira
nee, maibe oinsa mak estudante sira buka para atu aprende siensia neebe mak
professor sira fo husi eskola.
Jacinta
Sequeira | Suara Timor Lorosae
Sem comentários:
Enviar um comentário