Tiru Gas Air Mata Ba Aula Laran, Alin Laek: PNTL Kontra Regra

DILI - Membru Veteranus Alin Laek kestiona Polisia Nasional Timor Leste, halao servisu laho profesionalismu, tanba tiru gas air mata ba aula laran, hodi halo estudante sira halai namkari sai mai liur.

Polisia nia hahalok nee sala kontra regras fora area ida neebe laos operasaun nian, tanba fatin nee universitariu, estadu laiha respeitu ba ida nee,” dehan Alin Laek, ba jornalista sira iha UNTL, Segunda (21/08/2017).

Alin Laek hateten, halo operasaun tiru iha Estrada nusa maka tama fali ba sala laran, evidensia maka iha neeba nee tiru eskola nia janela rahun.

Neebe husu ba ukun nain sira, hare didiak lei sira nee PNTL nee kumpri ninia obrigasaun ka lae, polisia nee mai husi povu entaun ida be halo asaun nee estudante hanesan ema intelektual maka halo asaun laos sosiadade sivil ou mai halo arbiru deit.

Nia dehan, Estudante sira ba ho orden Polisia sira tenke hateten ba hanesan nee, ba hanesan neeba laos ho forsa deit, ohin nee estudante maka kontra uluk ka polisia maka kontra uluk, polisia maka baku uluk entaun polisia maka kontra lei.

Iha fatin hanesan estudante neebe lakoi temi naran hateten polisia uza farda lahatene lei, tanba sira naran tiru arbiru ba sala laran, bainhira estudante sira halo hela prosesu aprendisazem, sira lasimu.

Reitor UNTL Francisco Miguel hateten, MUTL maka halo asaun ida nee, laos estaudante UNTL, MUTL halo karta ba reitor atu realiza demostrasaun.

Nia dehan, Maibe tuir lei numeru estatutu UNTL, UNTL nee intituisaun publika de estadu neebe nudar reitor instituisaun UNTL laautoriza, resposta fila fali karta ida husi reitor ninia katak, tuir esatatutu UNTL labele halo manifestasaun iha kampus laran. 

Carme Ximenes/EST2 | Suara Timor Lorosae

Foto: polisia maioria tamat SMA dt nee mk la htne lei no orden. police maufehuk o uja ropa civil o het rai police maufehuk. Foto iha Facebook