sexta-feira, 18 de janeiro de 2019

Oknum PNTL Labele ‘Backing’ Bola Guling



DILI – Segundu Komandante Munisipiu Dili, Superintendente Assistente, Euclides Belo hatete, Pesoal Polisia labele Backing jogu Bola Guling (BG).Tanba, servisu Polisia atu asegura komunidade nia siguransa.

“Misaun Polisia nian nunka atu halo backing ba jogu Bola guling ida nee tuir konstituisaun tuir lei organika PNTL laos atu halo backing maibe garante siguransa ba komunidade, ida nee mak knar importante PNTL nian,” hatete nia.

Nia dehan, se pesoal ida mak komete iha jogu refere nia rasik mak responsabiliza ba ninia aktu. Tanba nee apela ba publiku karik haree oknum PNTL ida mak komete iha jogu refere bele informa ba komandu PNTL munisipiu Dili, ka Komandu Jeral PNTL para bele foti medida.

Tanba nee, nia dehan, operasaun pasa ravista ba jogu bola guling kontinua lao, sei la para. Tanba ekipa operasaun nee mais rapidu para bele halo operasaun ida nee.

Enkuantu konaba oknum Polisia ida neebe mak Polisia eskuadra Nain feto kaptura iha area Taibesse tanba involve iha jogu Bola Guling semana kotuk liu ba oras nee ninia prosesu lao hela. . Notisiakompletu lee iha jornal STL edisaun Kinta (17/012019). 

Lucia Ximenes | Suara Timor Lorosae

Sem comentários: