Oan
Timor*
Prosesu
demokrasia nebe lao haleu ona mundo, husi Europa, mai too Asean, sidadaun
hotu-hotu iha ambisaun makas atu halo politika hodi dezembolve povo no nasaun
nia future. Liu-liu nasaun dezembolvido sira, ne’ebe moris iha era modern
(Siklu XIX-XX) ka (Abad ke 19 ho 20 mai leten nian), nasaun barak maka adopta
sistema Demokrasia, tamba sistema demokrasia ne’e maka fo biban ba sidadaun
hotu-hotu atu hola parte ba dezisaun politika estado nian. Kompara mos ba
nasaun Timor-Leste ukun an iha era melinium (abad ke 20) sistema demokrasia
hatur kedas ona iha ita nia konstituisaun da RDTL. Hare ba sistema demokrasia
nebe ita Timor-Leste adopta, tuir matenek nain sira hanesan Plato, Aristoteles,
no sira seluk tan halo analiza katak, sistema demokrasia nee sistema ida nebe
diak liu iha mundo, tamba sistema nee valorize povo nia direito, e rekonhese
katak povo maka sai liu rai, ka povo maka bo’ot, tamba povo barak labele atu
servi hotu, ho nunee maka hili sira nia maluk balun atu sai servidor ba sira
nia intrese, liu husi Oraganizasaun politika (Partidu) nebe iha, ikus mai hodi
hamosu Elisaun jeral, liu husi festa demokrasia povo hotu-hotu partisipa hodi
hili nia representativo, tuir partidu ida nebe iha nia misaun no visaun nebe
akumula povo no nasaun nia intrese, (ekonomia, social e kultura) ka (ekososbud)
atu sai servidor ba sira nia hakarak.
Maibe hare ba orginal sistema demokrasia
nebe adopta primeiro iha mundo husi Nasaun Americano, Timor-Leste ukun an iha
2002 ita mos hola parte iha sistema Demokrasia ida nee nia laran. Liu husi
Sistema Demokrasia nebe iha maka kada sidadaun hotu-hotu liberdade atu harii
sira nia organizasaun (Partidu) politika hodi halo kompetisaun iha festa
demokrasia. Liu husi festa demokrasia nee maka povo hili sira nia ema tuir
partidu nia programa nebe diak fo beneficu ba povo no naaun. Partidu politika
nebe manan iha elisaun jeral nebe iha maka define nia ema atu sai servidor,
hili balun ba tur iha parlamento hodi hare no rona povo nia aspirasaun (halerik)
no hili balun ba tur iha Governo hodi eksekuta objetivo estado nian tuir
programa nebe konsagra iha konstituisaun hodi servi povo ho nasaun nia intrese.
Tuir hakerek nain nia observa katak nasaun-nasaun barak nebe maka adopta
sistema demokrasia ka Monarkia, wain hira sira nia partidu manan iha elisaun,
atu define partidu nia ema ba tur iha Parlamento nasional ho Governo sira
persisa hare sira nia ema nebe hatene politika, laos hare deit ba nia halo
politika maibe hare ba nia kapasidade halo hatene politika. Maibe kompara iha
ita nia Nasaun Timor-Leste, partidu nia ema hirak nebe ba tur iha orgaun de
Estado barak maka halo politika maibe la hatene politika. Tamba sa maka hau
dehan barak maka halo politika maibe la hatene politika? Hau hakarak sita buat
balun ka criteria balun nebe tuir hakerek nain nia hanoin katak ema nebe hatene
politika maka halo politika persisa priense criteria hanesan tuir mai nee: 1)
ema nee tenke iha begraun historia nebe diak; 2) ema nee tenke iha kapasidade
sociedade (Figura); 3) ema nee tenke iha kapasidade academia; 4) ema nee tenke
iha kapasidade de Ekonomia. Ad. 1) begraun historia, infortante tebes ba
situasaun politika Timor-Leste iha tempo ida agora, tamba ita nia povo foin sai
husi situasaun historia ida nebe lori tempo naruk e sira hatene se maka fo
laran hodi depende ukun an ida nee, no sese maka la fo laran ba nasaun nia ukun
an ida nee, iha parte seluk, liu husi nia begraun historia atu hatene lolos nia
ka ema nee iha Nasionalimo ho patriotism ba povo no nasaun ka lae. Ad. 2)
kapasidade sociedade; parte ida nee infortante tebes tamba wain hira povo hili
ema nebe sai sira nia servidor tenke ema nebe sira hatene no fiar katak nia
bele atu sai servidor, maibe dala ruma partidu define fali ema nebe sira la
gosta, tamba nia begraun historia la diak, kompartemento la diak, konserteze
wain hira nia halao programa estado nian ba povo, povo sei la simu ho diak, e
representa estado nee mos halao knar estado nian la ho honestu ka ho laran,
tamba ligasaun emosional nebe la konsistentente. Ad. 3) ema nee tenke iha
kapasidade academia; parte ida nee infortante tebes, tamba wain hira sai
lideransa, persisa kapasidade intelektual nebe subsente atu nunee hodi halo
analiza ba politika estrategia dezembolvemento nasional, se laiha kapasidade
academia maka nia sei sai hanesan ai kakeu nebe iha poho leten anin hu’u husi
loro sae monu ba loro monu, no husi tasi feto monu ba tasi mane. E ema seluk
sei uja nia sai hanesan instrument intrese politika ka pesoal nian, no ikus
liu; Ad. 4) ema nee tenke iha kapasidade ekonomia; parte ida nee mos infortante
tebes, tamba sai lideransa ruma, nia tenke iha kapasidade ekonomia pesoal nebe
subsente, atu nunee wain hira nia sai ukun ka servidor da estado sei la mosu
hanoin atu halo korupsaun, tamba nia kapasidade ekonomia nebe la subsente ka
nezasidade baziku nia ejiji halo provokasaun hanoin atu halo korupsaun.
*Messenger
Facebook
Sem comentários:
Enviar um comentário