quinta-feira, 11 de abril de 2019

Indenizasaun, Afeta ba Progresu Ezekusaun Projetu Estrada

PARTILHAR

DILI, (TATOLI) – Progresu ezekusaun fíziku ba projetu estrada sira ne’ebé utiliza osan empréstimu atraza uitoan tanba   afeta husi problema oi-oin, liuliu problema administrativa no indenizasaun (kompensasaun).

Liuhusi audiénsia públiku entre Ministériu Obras Públiku (MOP), Ministériu Planeamentu no Investimentu Estratéjiku (MPIE)  no mós Ajénsia Dezenvolvimentu Nasionál (ADN) ho Komisaun C ho Komisaun E Parlamentu Nasionál, ohin, Ministru Obras Públiku, Salvador Eugénio Soares dos Reis Pires,  friza katak, tanba saida mak trosu hanesan Dili-Manatuto-Baucau tarde, tanba kestaun oioin, liu-liu administrativa no indenizasaun ba eis propriesaun ba rai.

Ministru Salvador Pires, klarifika ba membru Komisaun C ne’ebé trata asuntu Finansa Públika no Komisaun E ne’ebé trata asuntu Infraestrutura, katak, kestaun administrativa no indenizasaun  mak hanesan fatór ne’ebé kontribui ba atrazu husi projetu.

Prezidente Repúblika (PR), Francisco Guterres Lú Olo, promulga Orsamentu Jeral Estadu (OJE) tinan fiskál 2019 iha loron 7 Fevereiru ho montante biliaun US$1,482, hafoin hasai orsamentu millaun US$650 hodi sosa partisipasaun konsórsiu iha projetu Greater Sunrise.

Husi fundu empréstimu iha tinan 2019 hamutuk millaun US$87 hodi finansia projetu infraestrutura hanesan estrada no seluk tan. Verba ba Ministériu Obras Publika (MOP) rasik ho montante millaun US$154,839, ne’ebé despeza boot liu ba orsamentu ministériu ne’e iha Diresaun Jerál Eletrisidade ba kategoria bens no servisu ho montante millaun US$90,898, enkuantu dotasaun ba Diresaun Jerál Agua, Saneamentu no Urbanizasaun hamutuk millaun US$12,881.

Jornalista: Julia Chatarina | Editór: Francisco Simões

Imajen: Ministru Obra Públika, Salvador Soares dos Reis Pires. Imajen/António Gonçalves
PARTILHAR

Author: verified_user

Publicação luso-timorense sem fins lucrativos

0 comentários: