Prezidente Filipina nian admiti
ona muda nasaun nia naran hodi halakon ligasaun kolonial, tanba arkipélagu ne'e
hetan ona nomeasaun hodi halo homenajen ba liurai-mane foun hosi España, iha
tinan 1543, divulgasaun ne'ebé halo iha loron-segunda ne'e.
"Ha'u seidauk hanoin naran
partikular ida maibé ha'u gosta muda naran ne'ebé iha ligasaun ba liurai-mane
Felipe hosi España", afirma hosi Rodrigo Duterte durante serimónia ida,
iha loron-domingu, iha provínsia Basilan, iha súl nasaun nian.
Deklarasaun mosu semana hirak
hafoin xefe Estadu filipinu sujere hodi muda nasaun nia naran ba Maharlika
ne'ebé refere ba pasadu pré-hispániku hosi Filipina nian.
Maharlika, iha lian malaiu, iha
ligasaun ba sivilizasaun sosial dahuluk sira ne'ebé maka hela ona iha illa Luzon,
illa boot Filipina nian, antes kolonizasaun española, ne'ebé dura ona sékulu
tolu resin to'o tinan 1898.
"Liuona tempu barak. Iha
naran sira seluk. Iha Mindanao ka Luzon laiha tan islamizmu, ita sai konvertidu
ho dalan brutal. Sira [ema españól sira] oho ona iha tempu ne'ebá ema sira
ne'ebé lakohi sai kristaun", haktuir hosi Duterte ne'ebé maka haktuir iha
transkrisaun hosi diskursu ne'ebé fó sai agora.
Ditador antigu filipinu Ferdinand
Marcos, ne'ebé Duterte hanesan admirador deklaradu ida, tenta mós durante nia
mandatu naruk (1965-1986) hodi muda naran atual nasaun nian ba Maharlika.
Tuir Duterte, naran Filipina, iha
ligasaun ba heransa hispániku ho kristaun, diskrimina komunidade musulmanu
filipinu nian ne'ebé konsentra liuliu iha illa meridional Mindanao.
Konstituisaun atual tinan 1987
permiti mudansa maibé presiza konkordánsia hosi Kongresu no ratifikasaun iha
referendu hosi maioria populasaun.
Lusa | Iha Sapo TL
Sem comentários:
Enviar um comentário