Estadu Desidi Laiha Dialogu Ho Mauk Moruk

DILI - Estadu no Governu Timor Leste desidi la iha ona dalan Dialogu hasoru Prezidente Konseilu revolusionariu Maubere Paulino Gama alias Mauk Moruk, tan nee operasaun sei la retira no buka nafatin hodi intrega ba Justisa.

Tuir Ministru Defeza Cirilo Cristovao Katak governu no estadu iha Posizaun ida deit Dialogu ho Mauk Moruk laiha ona, tan nee husu ba Mauk Moruk atu Intrega Aan, hodi Asumi responsabilidade ba aktu nebe nia komete.

Kona ba Mauk la iha dialogu, Prezidente Republika husu kona ba Mauk atu aprezenta aan parte justisa, hodi responsabiliza ba aktu neebe nia (Mauk Moruk red) halo, estadu no governu ninia pozisaun mak nee laiha ona dialogu,” dehan Cirilo ba Jornalista, Kuarta (05/08/2015) iha Palasiu Prezidensial Nicolao Lobato.

Hatan kona ba Operasaun laiha rejultadu, Cirilo hatete sidadaun ida-idak bele fo ninia komentariu mais rezolusaun fo mandatu ba forsa rua atu ejekuta ninia mandatu tuir rezolusaun nebe mak iha atu kaptura Mauk Moruk.

Iha fatin Hanesan Maijor Jeneral Falintil Forsa Defeza Timor Leste (F-FDTL) Major General Lere Anan Timur hatete nia parte baruk rona naran Angela Freitas, tamba sempre mete problema nebe mak mosu iha nasaun Timor Leste hanesan Krize 2006 no problema Mauk Moruk oras nee. Informasaun kompletu iha STL Jornal no STL Web, edisaun Kinta (6/8/2015). Timotio Gusmao

Suara Timor Lorosae