MCAE SEI INVESTE AREA TURISMU

Ministru  Estadu koordenador asuntus Ekonomia (MCAE), Estanislau Aleixo da Silva  hatete, Timor Leste la bele garante deit ba osan mina nian, maibe bele hare mos ba iha area potensial sira ne’ebe maka bele fo rendimentu ba ekonomia dezenvolvimentu, tanba ne’e maka Estadu iha hanoin ida atu investe ona iha area turismu.

“Timor Leste iha potensei ida ne’ebe maka bo’ot no luan tebes, atu investe, ita bele hare mos area peskas no agrikultor sira ne’e importante tebes ba rendimentu, liu liu ba area turismu nian Estadu iha hanoin oinsa planu ida ne’ebe maka diak para bele investe ona iha area turismu ninian” hatete Estanislau iha foin lalais iha salaun MNEC Pantai Kelapa.

 Aliende ba planu Estadu ninian atu investe iha area turismu, maibe ministeriu ne’e rasik mos iha planu atu bele investe mos iha area agrikultor sira sira ne’ebe maka sai potense bo’ot ba povu nia moris iha vida agrikutor nian.

Estanislau mensiona dehan, tenki tau prioridade hodi bele garante mos ekonomia familia povu ninian, hanesan iha produsaun agrikultor ba batar, hare no mos buat seluk tan maka hanesan produsaun ai farina, fehuk sira ne’e hotu bele sai potense ida ne’ebe maka fo rendementu ba povu nia moris diak.

Iha parte seluk, diretor Luta Hamutuk Mericio Akara afirma katak los dumi Timor Leste iha potense ida ne’ebe maka luan, tanba ne’e maka Estadu sira tenki hanoin atu oinsa maka bele investe ona, liu liu ba iha area turismu nian, Timor Leste mos labele garante deit ona ba produsaun mina ho gas.

“Ita hare ita nia produsaun mina no gas ne’e menus, entaun ita tenke investe duni iha area importante sira ne’e, hanesan, turismu, agirukultura, Peskas buat sira ne’e ita tenki dezenvolve ona para bele fo mos rendimentu ba nasaun ida ne’e,” hateten Mericio Akara. nia

Jornal Nacional